Daniel 6:8 - Uwumbɔr aagbaŋ

⁸ Kina pu na, cha mpɔɔndaan siin nkaal ngbaan ki di saanaŋ nyii mu pu, ki cha mu aatuln piin. Mu li ye Media yaab, ni Pesia yaab aakaal mu kaan ki kpeln na.”

Daniel 6:8 ပူးပေါင်းရင်းမြစ်များ

Esta 1:19

Mpɔɔndaan, ni yaa ga piir aasui kan, cha ni nyan aamɔb ni ke Fasti taa ki cha aanimbil kan u. Cha bi ŋmee kina ŋa Pesia ni Media aakaal ponn ni, aan ubaa taa ki kpeln ni. Tɔ, aa di Ubɔrpii aajal mu ki di tii upii u ŋeer li na.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 8:10

Modekai nan cha bi ŋmee tigbann ngbaan ubɔrkpaan Sekes aayimbil pu la, le ki di nnaan aamɔkl aabɔmbik nyii ti pu. Binib nan di libɔrdichal ni aataan le ki di tigbann ngbaan buen mala ŋipepel ngbaan mɔmɔk ni.

Esta 8:3

Le Esta nan lir gbaan ubɔr aanimbiin ni, ki wii, ki len u chee tibɔr, ki nan gaŋ u ke u lik ki taa cha Hamann u ye Agag aayaabil na aalandawanbiik ki u nan siin ke bi ku Juu yaab mɔmɔk na tun lituln.

Esta 8:8

Tɔ, nkaal yaa siin ubɔr aayimbil pu, aan bi di nnaan aamɔkl aabɔmbik nyii mu pu kan, ubaa aan ki ŋmaa kpeln mu. Naah ga ŋa pu na le ye ke: Ŋmee kigbaŋ tii Juu yaab mɔmɔk naah gee pu na; ni ga ŋmee ki maayimbil pu, ki di nnaan aabɔmbik nyii mu pu.”

Ilahn 94:21

ki kpokl binib bi aabimbin ŋan na pu ki cha bi ku binib bi kaa tun taani na,

Aisaya 10:1

Nimi aadoon le na. Nimi bi naani ikaal i kaa ye ibamɔn ki joo muk maanib na aadoon le na.

Daniel 5:28

n‑yakr, u chuu yakr saanaan ki di tii Media ni Pesia yaab.”

Daniel 6:12

le bi mɔmɔk buen ubɔr chee ke bi ti galn Daniel. Bi nan len ke, “Mpɔɔndaan, aa di saanaŋ nyii nkaal mu pu ke iwiin piitaa i choo na, unii umɔk mee liwaal libaa, bee Uwumbɔr ubaa, bee unibɔn ubaa chee tiwan, kaa ye sin chee na kan, bi di udaan mee ŋa ichinn aabuu mu ponn ni ichinn gbii na.” Le ubɔr kii ke, “Een, nkaal mu pɔɔ ki ye Media ni Pesia yaab aakaal, kaan ŋmaa kpeln na.”

Daniel 6:15

Le bijab ngbaan ki gir buen u chee ki ti bui u ke, “Mpɔɔndaan nyi ke Media ni Pesia yaab aakaal mu ubɔr di waanaŋ nyii mu pu na aan ki ŋmaa kpeln daalbaadaal.”

Matiu 24:35

Paacham ni taab ga jer. Maamɔbon ma aan jer.”