Daniel 6:7 - Uwumbɔr aagbaŋ

⁷ Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Daniel 6:7 ပူးပေါင်းရင်းမြစ်များ

Ilahn 10:9

ki di ubaa bɔr ke uchinn na. U dɔ kii bigiim, le ki pen gaawɔb chur bi, ki dar bi buen.

Ilahn 2:2

Baabɔrb yiil Uwumbɔr aamɔb, le baajojoob kpaani ki kpokl Uwumbɔr, ni waah lee ubɔr u na pu.

Ilahn 59:3

Uwumbɔr, lik baah dɔ kii mi pu ke bi ku mi na; bibiindam le bi kuuni ki ban mi. Naa ye ke m tun titunwanbir, bee taani ubaa la,

Ilahn 59:5

Ndindaan Uwumbɔr Mpɔɔnsakpiindaan, fii sil ki nan ter mi; Israel yaab Aawumbɔr, si aabaa waa. Fii sil ki daa binib bi kaa dii saasan na aatafal. Taa san titunwanbirdam bi fii sil aa pu na kinimbaak.

Ilahn 62:4

Ni ban ke ni nyan u waah bi nin chee ki kpa kipak na, le ki jinn u inimɔɔn; ni geei inyamɔn le ni mɔ nimi. Ni len tinyoor aabɔlen la, le nisui ponn ni ma kan, ni puuni lir u pu.

Ilahn 83:5

Bi kpokl le ki kii tii tɔb, le ki ŋa limaantɔl ki fii sil aa pu;

Ilahn 94:20

Aa ni bibɔjirb bi gaal igaŋgaŋlik na aa kpaani tɔb chee. Bima le cha ibamɔn gangal tun lituln,

Daniel 2:4

Le bi gar ubɔr ngbaan Aram yaab aaliin ponn ni ke, “Uwumbɔr tii mpɔɔndaan limɔfal li fɔk na. Tuk timi saadaŋ ngbaan, aan ti ti kpiir taatataa tuk si.”

Daniel 3:11

ki ki len ke unii umɔk yii kaa gbaan ki doon ni na kan, bi di udaan mee ŋa mmii sakpiin na ni.

Daniel 3:2

Le ubɔr cha bi yin ni waanaan ni aaninkpiib mɔmɔk ke bi kuun dan: bi yin bisalolm, ni biyidam, ni butɔb aajab aaninkpiib, ni bi bilni ŋimombil na, ni bibɔjirb, ni bininkpiib bimɔk bi ŋipepel mɔmɔk ni na, ke bi mɔmɔk dan nan kan waah ga di tiwanaankaan ngbaan mɔk binib pu na.

Daniel 3:27

Bisalolm, ni biyidam, ni butɔb aajab aaninkpiib, ni ubɔr aaninkpiib mɔmɔk nan kuun ni bi nan lik bijab bitaa, bi mmii ngbaan aa ŋman ki ŋa bi nibaa na. Biyikpir, ni baawanpeenkaan aa wun mmii, le biwon nibaa chee aa nu iŋmanyuu.

Daniel 3:6

Unii u yii kaa gbaan ki doon ni na, bi kpaan di u mee ŋa mmii sakpiin na ni.”

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Maika 6:5

Maanib, teer man Moab aabɔr Balak aah nan kpokl ke u ŋa nimi pu na, ki teer Beor aajapɔɔn Balaam aah nan gar u pu na. Teer man maah nan cha ni puur Jɔɔdann aamɔɔl na, buyoonn ni nan nyan ni Sitim aakakaa chee ki cha Gilgal aatiŋ ni na. Teer man tiwan nimina mɔmɔk ki bee maah nan ŋa pu ke m gaa nimi lii na.”

Nahum 2:12

Uchinn nan chuu tinann le ki daa par par ti ki tii upuu ni waabim; u nan di tinankaab le gbiin waabuu ni.

Matiu 12:14

Le Farisii yaab nyan lipaal, le ki kpokl baah ga ŋa pu ki ku Yesu na.

Matiu 26:4

le ki kpokl ke bi ga loon chuu Yesu ki ku u,

Tibɔnyaan ti Mak ŋmee ti na 15:1

Kichakpinaanyeek ni le Uwumbɔr aatotoorninkpiib, ni Juu yaab aaninkpiib, ni Uwumbɔr aakaal aamɔmɔkb, ni bibɔjirb aaninkpiib mɔmɔk kal ki kpokl baah ga ŋa pu na. Le bi buu Yesu tikululn, ki di u buen kitiŋ ngbaan aaninkpel u bi yin u ke Pailat na chee, ki di u ŋa uŋaal ni.

Jɔnn 12:10

Nima pu le Uwumbɔr aatotoorninkpiib kpokl ke bi ga ku Lasarus mu;