Daniel 6:4 - Uwumbɔr aagbaŋ

⁴ Le uŋeen aatɔtiib na, ni biyidam na nan ban isan ke bi bii u waah joo nnaan ngbaan pu na, kaa ŋmaa kan nsan mu pu bi ga di bii u na; ba pu? Daniel nan tun waatuln ni ibamɔn la, kaa kpa beebee.

Daniel 6:4 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

Mpiin 43:18

Baah ban bi koo lidichal ngbaan ni buyoonn na, le ijawaan chuu bi, le bi dakl ke, “Nibaakan, ŋimombil ŋi bi nan giin ŋa timi aabɔtɔ tiib ni na pu, le bi ga li ban bi baa timi ŋaabɔr. Bi ga lir ti pu ki gaa timi aabon yee, le ki di timi ŋa waanaagbiib.”

Ŋiyataŋak 29:27

Unibamɔnn aa gee ubiindaan, le ubiindaan mu aa gee unibamɔnn.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Jeremia 18:18

Le binib ngbaan bui ke, “Cha ti lik taah ga ŋa Jeremia pu na. Bitotoorb ga li bi n‑yoonn mɔmɔk ki mɔk timi, bilankpalb mu ga ŋmaa sur timi, bibɔnabr mu ga nabr Uwumbɔr aabɔr tii timi. Cha ti ban ngalm tii u man, ki taa ki pel waah len pu na.”

Jeremia 18:23

Tɔ, Uwumbɔr, aa nyi baah kpokl pu ke bi ku mi na. Taa di baatunwanbir cha pinn bi, ki taa di cha baataani. Buyoonn saaŋuul fii na kan, mee bi lii ki nyaŋ bi.”

Jeremia 20:10

M ŋun binib mɔmɔk looni len ke, “Ijawaan aabɔr bi ni mɔmɔk la. Cha ti di waabɔr buen bininkpiib chee man.” Hali njɔtiibamɔm ka kiir maalirm la. Bi len le ke, “Nibaakan ti ga ŋmaa ŋmann u, le ki chuu u ki teen u.”

Jeremia 29:7

Li tun man ki cha ntim mu m cha ni ti bi tinaagbiir ni mu ponn ni na kan tinyoor. Li mee limeel m chee bi pu, ba pu? bi yaa kan liwangol kan, ni mu ga kan.

Daniel 3:8

N‑yoonn mumina le Babiloŋ aanib bibaa nan kan nsan ke bi bii Juu yaab ngbaan.

Daniel 5:12

Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Matiu 26:4

le ki kpokl ke bi ga loon chuu Yesu ki ku u,

Matiu 27:18

Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

Tibɔnyaan ti Luk ŋmee ti na 20:20

Le bi ban nsan mu pu bi ga chuu u na, ki di bipepekb tun u chee, bi ti ŋmann ke bi ye bininyaam la, aan ki pen u nlan, aan ki chuu u, ki di ŋa kitiŋ ngbaan aayidaan aaŋaal ni.

Tibɔnyaan ti Luk ŋmee ti na 20:26

Yesu aah len kina na, le ni gar bi pam. Baa ŋmaa chuu u taani waabɔlen pu, binib aanimbil ni. Le bi ŋmin.

Tibɔnyaan ti Luk ŋmee ti na 22:2

Le Uwumbɔr aatotoorninkpiib, ni Uwumbɔr aakaal aamɔmɔkb nan kpokl baah ga ŋa pu ki ku Yesu na. Bi mu nan san binib na ijawaan.

Jɔnn 19:4

Le Pailat ki nyan lipaal, ki ti bui Juu yaab, “M ga di u nyan ni lipaal ni chee, aan ni bee ke maa kan waataani ubaa.”

2 Korenti 11:12

M ga li beenin tuk nimi Yesu aabɔr, kaan ji nimi kidaak. Biŋmaŋmannim bi ji nimi kidaak na aan ŋmaa pak bibaa ki len ke bi bi ke taah bi pu na.

Filipi 2:15

aan ki li ye Uwumbɔr aabim bi kaa kpa taani, kaa kpa ngalm na. Ni bi titunwanbirdam aakaasisik ni la. Ni li bi ke nwiihn na le dulnyaa wee ni ki wiin bikaasisik ni,

1 Timoti 5:14

M ban ke bikpopiib bi kaa por na mɔn tichal, ki maa mbim, ki li lik baachiln ni aabɔr, ki taa tii timi aadim nsan ke bi galn timi.

Taitus 2:8

Li len iliin i bi chob kaa kpa ngalm na, aan udin ubaa taa ŋmaa bii timi. Nima kan, inimɔɔn ga chuu u.

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Piita 3:16

Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

Bibɔjirb 14:4

Ute ni una aa nan nyi ke Uwumbɔr le bi ŋani kina. Uwumbɔr le nan bi ban nsan ke u ban Filistia yaab kijaak. N‑yoonn mumina na Filistia yaab le nan joo Israel yaab.

1 Samuel 12:4

Binib ngbaan gar u ke, “Aayii, saa jin timi pem pem, kaa muk timi; saa gaa ubaa chee nibaa.”

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 22:14

Ahimelek nan kii u ke, “David le ye saatutunn u si aapuwɔb mbamɔm na. U ki ye aachool la, ki ye bijab bi kii si na aaninkpel la. Le unii mɔmɔk tii u kipak, saachiln ponn ni.