Daniel 6:3 - Uwumbɔr aagbaŋ

³ Naa nan yunn le Daniel nan mɔk ke u ye unii u nyi waatuln ki jer uŋeen aatɔtiib bilee na, ni biyidam na mu la. Waah nan nyi tiwan ki ti nyaŋ sakpen pu na, ubɔr nan ŋa nlandak ke u di u ŋa waanaan ngbaan mɔmɔk aayidaan.

Daniel 6:3 ပူးပေါင်းရင်းမြစ်များ

Esra 4:22

Ŋa kina mala man, aan tibir tibaa taa dan m pu.”

Nehemia 7:2

M nan ban bijab bilee le ki di siin ke bi li ye Jerusalem aayidam; bima le nan ye nna aabo Hanani, ni Hanania u ye bikikiib aaninkpel na. Hanania nan ye unii u aa ga ŋmaa mak u pu na la, ki ye unii u san Uwumbɔr naah ti sɔ na.

Esta 10:3

Ubɔr Sekes baanja le nan kpa tininkpir ki jer Juu aanii Modekai. Juu yaab mɔmɔk nan pak Modekai ki gee u sakpen. U nan tun ki ban waanib aabimbinyaan ni biyaabitiib aamɔfal la.

Ŋiyataŋak 17:27

Unii u nyi ubaa pu na aa len n‑yoonn mɔmɔk. Binib bi bi suuna na kpa nlan.

Ŋiyataŋak 22:29

Unii u bi ki tun waatuln mbamɔm na jer binib biken, le ki ga li ye bibɔrb aajɔ.

Ulandaan 2:13

M nyi ke nlan ŋan jer kijɔrk, ke nwiihn aah ŋan jer mbɔmbɔɔn pu na la.

Daniel 5:12

Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

Daniel 9:23

Saah piin ki bi gaŋni Uwumbɔr na, le u kii saah ban pu na. U gee si, kina pu le m dan m nan tuk si saah ban pu na. Tɔ, li pel aan m kpiir tidaŋ ngbaan aatataa tuk si.