Daniel 6:25 - Uwumbɔr aagbaŋ

²⁵ Le Ubɔrkpaan Darius ŋmee kigbaŋ tii ŋitimbol mɔmɔk, ni ŋinibol mɔmɔk, ni iliin mɔmɔk aanib kitiŋ kee pu ke: “M dooni ni mɔmɔk.

Daniel 6:25 ပူးပေါင်းရင်းမြစ်များ

Esra 4:17

Ubɔrkpaan ngbaan aah nan gar pu na sɔ: “M dooni lipepel aayidaan Rehum, ni waagbaŋmeer Simsai, ni biŋeen aatɔtiib bi bi Samaria aatiŋ ni, ni Yufrates aamɔɔl aawilir wɔb na.

Esta 3:12

Kina pu na, njan aaŋmal aawiin kipiik ni itaa daal le Hamann nan yin ubɔr aagbaŋmeeb le ki cha bi ŋmee tibɔr ti u ban na, nnaan ngbaan aaliin mɔmɔk ni, ni iliin ngbaan aaŋmeen ni, ke u tii bitinjoob mɔmɔk, ni biyidam mɔmɔk, ni nnaan aaninkpiib mɔmɔk. U nan ŋmee ti Ubɔrkpaan Sekes aayimbil pu la, ki di waabɔmbik nyii tibɔr ngbaan pu.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Esta 8:9

Nimina nan ŋa ŋmataa, u bi yin u ke Sifann na aawiin moninko ni itaa daal la. Modekai nan yin ubɔr aagbaŋmeeb ki cha bi ŋmee tigbann tii Juu yaab, ni biyidam, ni nnaan aaninkpiib bimɔk bi nnaan aapepel nkub ni moninko ni ŋilole, ki nyan India aatingbaln, ki ti saa Kus aatingbaln ni na mɔmɔk. Tigbann na nan buen lipepel mɔmɔk, ni laaliin, ni laaŋmeen ni, ni Juu yaab, ni baaliin, ni baaŋmeen ni.

Ilahn 7:15

Le baah pen biken gaawɔb mam bi na ki gir chur bima bibaa.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Ŋiyataŋak 11:8

Binib bi aabimbin ŋan na nya tibɔbir ni la; le ti tee choo bibiindam ma chee.

Daniel 3:4

le unii u mooni tibɔr na teen mpɔɔn pu ki bui ke, “Ŋitimbol mɔmɔk aanib, ŋinibol mɔmɔk, ni iliin mɔmɔk aanib,

Daniel 4:1

Ubɔrkpaan Nebukadnesar nan di tibɔr timina tun ŋitimbol, ni ŋinibol, ni iliin mɔmɔk aanib chee ke: “M dooni ni mɔmɔk.

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.

2 Piita 1:2

Naah nyi Uwumbɔr ni Tidindaan Yesu pu na, bi ŋa tinyoor ŋa ni pu ki tii nimi nsuudoon pam.

Juud 1:2

M mee Uwumbɔr ke u moo san nimi kinimbaak, ki tii nimi nsuudoon, ki cha ni li gee tɔb mbamɔm.