Daniel 6:22 - Uwumbɔr aagbaŋ

²² Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

Daniel 6:22 ပူးပေါင်းရင်းမြစ်များ

Mpiin 40:15

Maah bi do na, bi tɔk mi Hiibru yaab aatiŋ ni la, le maah bi Ijipt aatiŋ ni do na, maa ŋa nibaa le bi di mi ŋa kiyondiik ni.”

2 Samuel 22:7

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

1 Bibɔrb 13:28

le u siir buen ki ti kan ubɔnabr ngbaan kpo dɔ nsan ni, le ubon ni uchinn ngbaan beenin si gbɔk u. Uchinn ngbaan aa ŋman u ki mu aa ŋa ubon na nibaa.

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Ilahn 118:28

Aa ye Maawumbɔr la, le m dooni si, m ga moon saah kpa mpɔɔn pu na.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 31:14

Uwumbɔr, le m tii si naadii; sin le ye Maawumbɔr.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ilahn 38:21

Uwumbɔr, taa siir cha mi; Maawumbɔr, taa li daa mi.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 37:18

Le m baa u ke, “M tun aa ni saaninkpiib ni binib bee ba aataani ki ŋeer ke ni di mi ŋa kiyondiik ni?

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 6:23

Ni nan mɔɔr ubɔr ni ti nyaŋ, le u bui ke bi daa nyan ni Daniel mbuu ngbaan ni. Le bi daa nyan ni u ki kan ke nibaa aa ŋa u; ba pu? u nan gaa kii ke Uwumbɔr ga nyan u.

Daniel 6:4

Le uŋeen aatɔtiib na, ni biyidam na nan ban isan ke bi bii u waah joo nnaan ngbaan pu na, kaa ŋmaa kan nsan mu pu bi ga di bii u na; ba pu? Daniel nan tun waatuln ni ibamɔn la, kaa kpa beebee.

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.

Nkahm 20:16

le ti wii yin Uwumbɔr ke u ter timi. U nan ŋun timi aawiil le ki tun ni waatuun, le u nan nyan timi Ijipt aatiŋ ni. N‑yoonn mue ti ka Kades aatiŋ ni la. Kitiŋ ngbaan bi saatiŋ aanaanmɔk la.

Matiu 27:46

Nwiin aah kpar na, le Yesu teen mpɔɔn pu, “Eli, Eli, lama sabaktani.” Naatataa le ye ke, “Maawumbɔr, Maawumbɔr, ba pu aa siir cha mi?”

Lituln 12:11

Le Piita aanimbil woln. Le u len ke, “M bee ke ni sil ŋa kina. Tidindaan tun ni waatuun ke u nan nyan mi Ubɔr Herod aaŋaal ni, ki nyan mi Juu yaab aah ban bi ŋa mi pu na ni.”

Lituln 24:16

N‑yoonn mɔmɔk m pɔɔni mbaa ke m taa li kpa taani Uwumbɔr ni binib chee.

Lituln 27:23

M ye Uwumbɔr aanii, le ki dooni u. Kinyeek na, le waatuun ubaa dan nan sil m chee,

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

2 Timoti 4:17

Tidindaan le nan sil mpuwɔb, ki tii mi mpɔɔn m len waabɔr mɔmɔk, aan bi mɔmɔk ŋun. Waa cha ubɔjir len ke bi ku mi.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

1 Samuel 17:37

Uwumbɔr gaa mi ichinn ni takɔ mam chee lii, u ga gaa mi Filistia aanii wee mu chee lii.” Le Sɔɔl bui u ke, “Ni ŋan. Li cha aan Uwumbɔr le bi aa chee.”

1 Samuel 26:18

le ki ki len ke, “Maaninkpel, ba ŋa aa beenin san dii mi saatutunn? M ŋa ba? Ba aatunwanbir m tun?