Daniel 6:20 - Uwumbɔr aagbaŋ

²⁰ Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 6:20 ပူးပေါင်းရင်းမြစ်များ

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

1 Bibɔrb Aabɔr 16:11

Li cha Uwumbɔr chee ki ti ban nterm man, ki li dooni u n‑yoonn mɔmɔk.

Ilahn 119:112

M nyan sil ke m li dii saakaal ki ti saa maakundaal.

Ilahn 146:2

Maamɔfal mɔmɔk ni, m ga pak u; m ga gaa ilahn tii Maawumbɔr maamɔfal mɔmɔk ni.

Ilahn 73:23

Tɔ, m mu nan beenin bi gbɔk si, le aa di aaŋaal chuu mi.

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Daniel 6:19

Kichakpinaanyeek ni le ubɔr fii ki ŋa mala ki buen mbuu ngbaan chee.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Daniel 6:27

U gaal binib lir ki cha bi ŋmar; u tun iwaan, ni lijinjiir aatuln paacham, ni kitiŋ do. U cha ichinn aa ŋmaa ku Daniel.”

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Nkahm 11:23

Le Uwumbɔr giin baa u ke, “Aa nyi maapɔɔn mɔk aa? Naan yunn le aa ga kan ke maah len pu na ga ŋa aan naan ŋa.”

Tibɔnyaan ti Luk ŋmee ti na 1:37

nibaa aa pɔɔ Uwumbɔr chee.”

Tibɔnyaan ti Luk ŋmee ti na 18:1

Le Yesu ŋakl bi liyataŋakl, u di mɔk bi ke ni ŋan bi li mee Uwumbɔr n‑yoonn mɔmɔk, ki taa cha bitaakpab yɔl.

Lituln 6:4

Tima aanimbil ga li man limeel, ni Uwumbɔr aabɔr aamoon pu la.”

Rom Yaab 2:7

Binib bi kpa limɔr ki tun lituln li ŋan na, ki ban mpakm, ni nnyuŋ, ni limɔfal li kaa kpa ndoon na, bima le Uwumbɔr ga tii bi limɔfal li kaa kpa ndoon na.

2 Korenti 1:10

U nyan timi ijawaan aakun ni, ki beenin nyani timi. Ti pak ke u ga ki nyan timi.

Kolosiya 4:2

Tɔ, ni mɔmɔk li beenin mee Uwumbɔr linimaln, ki li nyi ki taa geeni, ki li dooni u mmeen ponn ni,

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.

Hiibru Yaab 7:25

U bi n‑yoonn mu kaa kpa ndoon na, u li mee Uwumbɔr tii binib bi dan Uwumbɔr chee u pu na. Nima le u ga ŋmaa gaa bi lii n‑yoonn mu kaa kpa ndoon na.

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.