Daniel 6:16 - Uwumbɔr aagbaŋ

¹⁶ Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Daniel 6:16 ပူးပေါင်းရင်းမြစ်များ

2 Samuel 3:39

Hali min le ye unii u Uwumbɔr lee mi ŋa ubɔr na, din wee ma kan, nwon yɔl la. Seruya aajapɔtiib bee, Joab ni Abisai, bir sakpen ki tii mi. Uwumbɔr daa bitafal baah ŋeer pu na.”

Job Aagbaŋ 5:19

N‑yoonn n‑yoonn pam le u ga nyan si titotonn ni.

Ŋiyataŋak 29:25

Aa yaa dii binib aah dak aa pu pu na kan, naa ŋan. Aa yaa tii Uwumbɔr naadii kan, le aa ŋmar.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Jeremia 26:14

M ma kan, m bi nimi aapɔɔn ni la. Naah gee pu na kan, ni ŋa mi.

Jeremia 38:5

Le Ubɔr Sedekia gar bi ke, “Ni ŋan, kina kan, ŋa u naah gee pu na man; maan ŋmaa bui ke ni di cha.”

Jeremia 38:6

Le bi nan yoor mi ki ti di iŋmin leen ŋŋaal ki di mi lii nnyunbun mu bi yin mu ke Ubɔrbo Malkia aanyunbun na ni, mu nan bi libɔrdichal aachiln ni la. Nnyun aa nan bi mu ponn ni, tikpakpar ŋmeen le nan bi mu ponn ni, le m chɔb sil ti ponn ni.

Jeremia 39:17

le min Uwumbɔr ga li kii si, bi taa di si tii bijab bi aa san bi ijawaan na.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Lituln 24:27

Ŋibin ŋilee nan jer. Le ubɔr u bi yin u ke Posius Festus na dan nan leŋ Feliks aaleleŋ. Feliks nan ban ke u piir Juu yaab aasui. Nima pu na, waa nan nyan Pɔɔl kiyondiik ni. U nan cha u beenin pii, le ki buen.

Lituln 25:11

M yaa ba ŋa bakaa, bee m yaa ti ki ŋa tiwan ni ŋeer nkun na kan, maa ba ga ban ke m ŋmar. Baah bii mi pu na yaa kaa gbii kan, ubaa aan ŋmaa di mi ŋa biŋaal ni. M ban ke Ubɔrkpaan Siisa ji mi tibɔr.”

Lituln 25:9

Le Festus ban ke u piir Juu yaab aasui. Nima pu le u baa Pɔɔl, “Aa ga li gee ke aa buen Jerusalem m ti ji si tibɔr nima aa?”

Rom Yaab 13:3

Biyidam aa bi ke bi li faani binib bi tun lituln li ŋan na. Bi bi ke bi li faani binib bi tun lituln li kaa ŋan na la. Aa ban ke aa li kaar biyidam aa? Tun lituln li ŋan na, nima le bi ga pak si.

2 Korenti 1:10

U nyan timi ijawaan aakun ni, ki beenin nyani timi. Ti pak ke u ga ki nyan timi.