Daniel 6:14 - Uwumbɔr aagbaŋ

¹⁴ Ubɔr aah ŋun kina na, usui nan bii pam, le u pɔɔk ubaa ke u kan nsan ki gaa Daniel lii. U nan bi pɔɔni ubaa ki ban kina aasan le nwiin ti lir.

Daniel 6:14 ပူးပေါင်းရင်းမြစ်များ

Esta 3:8

Le Hamann nan bui ubɔr ke, “Linibol libaa bi ki yaa ki bi saanaan aapepel mɔmɔk ponn ni. Baah joo ikaal i na ni biken aakaal aa kpaa. Ki ki kpee na, baa kii saanaan aakaal; kina pu na, saan li gee ke kina aanib li bi.

Daniel 1:6

Daniel, ni Hanania, ni Misael, ni Asaria, bi mɔmɔk nan ye Juda aanib na, nan ŋmal baah nyan binachipɔm bi na ponn ni.

Daniel 3:12

Juu aanib bibaa bi, bima le aa tii bi mpɔɔn ke bi li lik Babiloŋ aapepel na, Sadrak, ni Mesak, ni Abednego, bima le yii mpɔɔndaan aamɔb. Baa dooni saawaal, kaa gbaani ki dooni salmaa aawanaankaan ni aa di siin na.”

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Tibɔnyaan ti Mak ŋmee ti na 6:26

Waah len kina na, le ni bii Ubɔr Herod aasui sakpen. Waah puu tipuur ti bicham aanimbil ni na, nima le waa ban ke ti bee.