Daniel 5:7 - Uwumbɔr aagbaŋ

⁷ Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

Daniel 5:7 ပူးပေါင်းရင်းမြစ်များ

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

Esta 3:1

Tiwan nee mɔmɔk aah ŋa ki jer na, le Ubɔrkpaan Sekes nan tii uja u bi yin u ke Hamann na tininkpir ti paa ubɔr pu na. Hamann aate le nan ye Hamedata, le uyaaja ye Agag.

Nnyam 7:11

Le ubɔr ngbaan yin ni waalandam ni binyɔkdam, le bi mu di baanyɔk ŋa kina.

Ŋiyataŋak 1:9

Baamɔkm ga toor saabimbin, ke kiyikpupuk nyaan, ni nleenyaan aah ga kpee si kinyaan pu na.

Solomonn Aalahn 1:10

Tafajɔnjɔn ti bi aatafal pu na cha aa ŋan sakpen, Nleenyaan mu bi aasil pu tii si kinyaan pam.

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Jeremia 50:35

Uwumbɔr len ke, “Nkun li bi Babiloŋ aatiŋ aanib, ni kaayidam, ni bilandam pu.

Esekiel 16:11

M nan di nleenyaan gbin si, m gbin si nleen, ni iŋaal aaleen mu.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 2:2

le ki tun ke bi yin ni waabɔɔb, ni binib bimɔk joo inyɔk tun iwaan aatuln na ke bi dan ki nan kpiir tidaŋ ngbaan aatataa aah ye pu na tuk u. Baah fuu ni ki nan sil unimbiin ni na,

Daniel 2:27

Le Daniel bui ke, “Mpɔɔndaan, unyɔkdaan u joo inyɔk tun iwaan aatuln na ubaa aa bi, ubɔɔ ubaa mu aa bi ki ga ŋmaa tuk si kina.

Daniel 2:48

Le u tii Daniel tininkpir ti nyuun na, ki tii u ipiin i ŋan sakpen na pam, ki tii u mpɔɔn ke u li lik Babiloŋ aapepel mɔmɔk, ki cha u ye libɔrchiln ni aasusurb mɔmɔk aayidaan.

Daniel 2:6

Tɔ, ni yaa ŋman ki tuk mi tidaŋ ngbaan ni taatataa aah ye pu na kan, m ga tii nimi ipiin ni kipak ki nyuun na. Kina pu na, tuk mi tidaŋ ngbaan ni taatataa aah ye pu na man.”

Daniel 4:14

U nan teen mpɔɔn pu ki len ke, ‘Chuu gaa busub ngbaan lii man, ki gaa gii bu aabon; ki per bu aafar ki cha bu aasubil yaa. Jenn ipeel ngbaan bu taab ki fiin inyoon ngbaan bu aabon pu man.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:15

M yin bisusurb, ni binib bimɔk joo inyɔk tun iwaan aatuln na ke bi nan karn ŋŋmeen mue ki tuk mi mu aatataa, le baa ŋmaa karn, kaa ki bee mu aatataa mu.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”

Daniel 5:29

Libuul ngbaan ni le Belsasar bui waatutum ke bi di libɔrbɔkul li ŋmal mmam ni nsiin na peen Daniel, ki di salmaa aaleen mu kpa kipak na gbin uneen ni; le ki di u ŋa waanaan ni aaninkpel tatar u paa u pu na.

Nkahm 22:17

Aa yaa ban m pa ki ŋa saah ban pu na mɔmɔk kan, m ga ŋa kina. Uninkpel, dan nan puun lii binib ngbaan pu ki tii mi.”

Nkahm 22:7

Nima na, Moab yaab, ni Midiann yaab aayidam nan ban ŋimombil ŋi bi ga ti di pa tipuur ngbaan pu na, le ki buen Balaam chee ki ti bui u Balak aabɔr ngbaan.

Nkahm 24:11

Dandana wee, siir ki li chaa kun. M puu ke m ga pa si, le Uwumbɔr kiir si ke aa taa kan tipar ngbaan.”

1 Samuel 17:25

le ki bui tɔb ke, “Lik u man. Li pel man waamɔliin. Ubɔr Sɔɔl puu ke u ga tii uja u ku u na ipiin sakpen. Ubɔr ki len ke u ga di ubisal tii udaan ngbaan u di ŋa upuu, ki taa cha udaan aate aadichal li pa lampoo.”