Daniel 5:4 - Uwumbɔr aagbaŋ

⁴ le ki pak baah di salmaa naan ŋiwaa ŋi na, ni baah di tikunabr, ni tikumann, ni tikur, ni isui, ni ŋitakpal naan ŋi na.

Daniel 5:4 ပူးပေါင်းရင်းမြစ်များ

1 Bibɔrb 1:49

Le ijawaan chuu Adonija aacham ngbaan, le bi mɔmɔk fii, ubaa mɔk cha waah gee nin chee na.

Aisaya 42:17

Binib bimɔk tii ŋiwaa naadii na, binib bi yin tiwan ni bi di biŋaal naan na baawaa na, ga ji inimɔɔn sakpen.”

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Daniel 1:8

Daniel nan ŋa nlandak ke waan ji tijikaar ti ubɔr aachiln ni aanib ji na, kaan nyu baadaan mu ki bii waah dii nsan mu na; kina pu na, u nan bui Aspenas ke u ter u,

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 5:3

Libuul ngbaan ni le bi nan joo ni salmaa aayikur, ni ŋisambil ngbaan, le bi mɔmɔk nan nyun ndaan ni ponn ni,

Daniel 5:5

Libuul ngbaan ni, le unibɔn aaŋaal nyan ni ki piin ki bi ŋmee baah nan ligoln li na pu, libɔrdichal ni aadiik ki bi ka na ni, nin chee karyaa aamii wiin sakpen na. Le ubɔr nan kan mu aah bi ŋmee pu na.

Amos 6:7

Kina pu na, nimi le ga puen buen tinaagbiir ni. Le nimi aajim mɔmɔk ga doo.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.