Daniel 5:23 - Uwumbɔr aagbaŋ

²³ Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 5:23 ပူးပေါင်းရင်းမြစ်များ

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

2 Bibɔrb 14:10

Tɔ, Amasia, aa kpa kipupuk ke aa nyaŋ Edom yaab a. Cha kina aayimbil ŋeer si, aan aa li ka aado. Ba ŋa aa ban aa ban tibɔr tii aa ni saanib?”

Job Aagbaŋ 12:10

Uwumbɔr le joo waawanaankaan aamɔfal; unibɔn mɔk aamɔfal bi uma le aapɔɔn ni.

Job Aagbaŋ 31:4

Uwumbɔr nyi maah tun pu na mɔmɔk; u kani litaal limɔk m yoor na.

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 115:16

Uwumbɔr baanja le yeh paacham, le u tee di kitiŋ tii unibɔn.

Ilahn 139:3

M yaa bi tun, bee m yaa ka fuur kan, aa waa mi; aa nyi maatuln mɔmɔk.

Ilahn 146:4

Bi yaa nan kpo kan, bi ki kpaln titan la; baah ŋani ilandak i na mɔmɔk doo liyaadaal ngbaan le na.

Ŋiyataŋak 20:24

Uwumbɔr le siin ti mɔmɔk aah ga kan pu na; kina pu na, unii ga ŋa kinye ki bee waamɔfal aah ga ti doo pu na?

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 14:13

Aa nan pɔɔni aabaa ke aa jon buen kitaapaak ki ti di saabɔrjal tɔŋ iŋmabi i ti bi paacham paacham na pu. Aa nan dak ke aa ga ti kal lijool li bi nwiin aasikakl wɔb, nin chee ŋiwaa kuun ni na, ke ubɔrkpaan na la.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 33:10

Uwumbɔr bui ŋitimbol ngbaan ke, “Dandana, m ga fii sil. M ga mɔk maah pɔɔ sakpen pu na.

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Jeremia 10:23

Uwumbɔr, m nyi ke unii ubaa aa ye ubaa aabimbin aaninkpel; ubaa aa kpa waamɔfal aapɔɔn;

Jeremia 48:26

Uwumbɔr bui ke, “Moab aatiŋ aah nyan mpuwɔb pu na, cha ki gbii ndaan. Moab aatiŋ ga biln kibaa aawuln ponn ni la, le binib ga laa.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Jeremia 50:29

“Bui binib bi too itɔi na ke bi tak Babiloŋ aatiŋ. Cha umɔk nyi butɔm ni mpiin aatoom na buen. Gob man kitiŋ ngbaan ki taa cha ubaa ŋmar. Kaah nan di kigaak mɔk min, Israel yaab Aawumbɔr u bi chain na pu na, teen ki kaah nan tun pu na mɔmɔk, ki ŋa ki ke kaah nan ŋani ntim muken pu na.

Esekiel 28:17

Aa nan mak saanyaan pu, le saayimbil nan cha aa bi ke ujɔr na. Nimina pu le m nan mee si lii kitiŋ, ki cha si nima, ke aa li ye nsurm ki tii bibɔrb biken.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Esekiel 28:5

Aa nan di nlan ŋa kitiirk aatuln ki kani tinyoor. Aa sil mak saawankpal pu.

Esekiel 31:10

“Tɔ, min Dindaan Uwumbɔr ga bui si tiwan ni ga ŋa busub bu muun ki ti tuu ntaalangbam na. Bu aah moo muun kpee na, le bu gur kpa kipupuk;

Daniel 11:12

Waah ga nyaŋ bi ki ku baajab sakpen pu na ga cha u kpaln umakdaan; tɔ, waanyaŋ ngbaan mu aan yunn.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Habakuk 2:4

Tibɔr ngbaan sɔ: ‘Utunwanbirdaan aan ŋmar, le uninyaan aah gaa Uwumbɔr ki kii na, u ga li kpa limɔfal.’”

Lituln 17:25

Uma ubaa le tii binib mɔmɔk limɔfal, ni libuln li ti fuur na, ni tiwan mɔmɔk. Waah ban pu na, u kpa. Unii yaa tun lituln tii uma Uwumbɔr kan, naa kpae Uwumbɔr nibaa.

1 Korenti 8:4

Joo cha kitork aanann aajim aabɔr na, ti nyi ke ŋiwaa ŋimɔk bi dulnyaa wee ni na aa ye nibaa. Ti nyi ke Uwumbɔr ubaa baanja le bi.

1 Timoti 3:6

U taa li ye unii u kaa yunn Uwumbɔr aasan ni na. U yaa ye unii u kaa yunn Uwumbɔr aasan ni na kan, nibaakan, u ga li kpa kigaak, ki kan ntafadaan ke kinimbɔŋ na.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Tibɔkpiirkaan 9:20

Binib bi gur kaa kpo iween ngbaan pu na aa kpeln baabimbin, kaa di cha baah ŋani ŋiwaa ŋi na. Bi beenin dooni tininkpiwanbir, ni ŋiwaa ŋi bi nan di salmaa, ni tikunabr, ni tikur, ni ŋitakpal, ni idɔ naan ŋi na, ŋiwaa ŋi kaa waa, ki mu aa ŋun tibɔr, ki mu aa ŋmaa chuun na.

Bibɔjirb 16:23

Filistia aabɔrb ngbaan nan kuun tɔb ke bi nan ji njim ki toor kitork tii baawaal Dagonn. Bi nan gaa nlahn ke, “Timi aawaal le tii timi linyaŋ timi aadin Samsonn pu.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.