Daniel 5:2 - Uwumbɔr aagbaŋ

² Baah bi nyu ndaan na, le Belsasar nan bui ke bi ti yoor ni salmaa aayikur, ni tikunabr aayikur, ni ŋisambil ŋi ute Nebukadnesar nan yoor nyan Uwumbɔr Aadichal ni, Jerusalem aatiŋ ni na. Ubɔr nan cha bi yoor ni tiwan ngbaan mɔmɔk ke u ni waaninyuum, ni upuutiib, ni ubɔtiib nan di ni nyu ndaan la.

Daniel 5:2 ပူးပေါင်းရင်းမြစ်များ

2 Samuel 9:7

Le David bui u ke, “Taa san ijawaan. Aate Jonatann pu, le m ga ŋa si tiŋann. M ga giin kitiŋ kimɔk nan ye aayaaja Sɔɔl aatiŋ na tii si, le n‑yoonn mɔmɔk aa ga ŋmaa dan nan ji m chee tijikaar.”

2 Bibɔrb 24:13

le ki yoor Uwumbɔr Aadichal ni, ni libɔrdichal ni aawangol buen Babiloŋ aatiŋ ni. Uwumbɔr aah nan puen len pu na, Nebukadnesar nan wiil salmaa aawan ni mɔmɔk Ubɔr Solomonn nan ŋa ke bi li joo tun Uwumbɔr Aadichal ni lituln na.

2 Bibɔrb 25:15

Bi nan yoor salmaa, ni tikunabr aawan mɔmɔk: bi nan yoor yoor nsambim ni ŋisambil ŋi bi joo moi mmii na.

2 Bibɔrb Aabɔr 11:20

Puwɔb le u nan ki yoor Maaka, u aate nan ye Absalom na. U ni u mu nan ma mbijabim munaa la. Bima le ye Abija, ni Atai, ni Sisa, ni Selomif.

2 Bibɔrb Aabɔr 15:16

Ubɔr Asa nan nyan uyaa Maaka ubɔrpii aanaan ni. Uyaa aah nan ŋa pu na le ye ke u ŋa liwaapii Asera aanaŋ ke li kpa timar. Asa nan chɔi chɔi liwaal ngbaan, ki see li mmii, Kidronn Aafataŋ ni.

2 Bibɔrb Aabɔr 36:10

Unaalan yoonn, le Ubɔr Nebukadnesar nan chuu Jehoyachinn tinaagbiir di buen Babiloŋ aatiŋ ni, le ki yoor Uwumbɔr Aadichal ni aawangol mu buen. Nebukadnesar nan di Jehoyachinn aatewaa Sedekia kaan Juda aanaan, Jerusalem ponn ni.

2 Bibɔrb Aabɔr 36:18

Babiloŋ aabɔr nan yoor Uwumbɔr Aadichal aawan; u nan yoor Uwumbɔr Aadichal aamombil, ni ubɔr ni waaninkpiib aawangol, ki di ni mɔmɔk buen Babiloŋ aatiŋ ni.

Esra 5:14

U nan ki giin Uwumbɔr Aadichal ponn ni aasalmaa ni tikunabr aasambil ŋi Nebukadnesar nan yoor li ponn ni na, Jerusalem ni, ki ti di siin waawaa aadir ni Babiloŋ ni na. Ubɔrkpaan Sairus nan di ŋisambil ngbaan ŋa uja u bi yin u ke Sesbasar, aan u nan ye Juda aayidaan na aaŋaal ni la.

Jeremia 27:7

Ŋitimbol mɔmɔk ga tun tii u, ki ga tun tii ujapɔɔn, ni uyaabil ki ti saa buyoonn waatimbol ga lir na. N‑yoonn ngbaan le waatimbol ga li tun tii ŋitimbol ni bibɔrkpaam bi kpa ipɔɔn na.

Jeremia 50:35

Uwumbɔr len ke, “Nkun li bi Babiloŋ aatiŋ aanib, ni kaayidam, ni bilandam pu.

Jeremia 52:19

Bi nan yoor tiwan ni mɔmɔk bi di salmaa ni tikunabr naan ni na: bi nan yoor nsambim, ni ŋisambil ŋi bi joo moor mmii na, ni ŋisambil ŋi bi joo teŋni kitork aasin na, ni nfatan aasambil, ni karyaa mam aah tɔŋni tiwan ni pu na, ni ŋisambil ŋi bi joo seer tulalee aayon na, ni ŋisambil ŋi bi joo toor ndaan aatork na.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:13

Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 5:3

Libuul ngbaan ni le bi nan joo ni salmaa aayikur, ni ŋisambil ngbaan, le bi mɔmɔk nan nyun ndaan ni ponn ni,

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Daniel 5:4

le ki pak baah di salmaa naan ŋiwaa ŋi na, ni baah di tikunabr, ni tikumann, ni tikur, ni isui, ni ŋitakpal naan ŋi na.