Daniel 5:19 - Uwumbɔr aagbaŋ

¹⁹ Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Daniel 5:19 ပူးပေါင်းရင်းမြစ်များ

2 Bibɔrb 25:28

Efil‑Merodak nan san u kinimbaak ki tii u nsisii mu kpa kipak na ki jer bibɔrb bi mu nan bi Babiloŋ ni tinaagbiir ni na.

Ŋiyataŋak 16:14

Ulandaan pɔɔni ubaa ki tii ubɔr mpopiin la; ubɔr aaŋuul ga ŋmaa joo ni nkun.

Ulandaan 8:3

Ubɔr ga ŋmaa ŋa waah ban pu na, kina pu na, taa nya upuwɔb, ki taa dii binib bi kpokl u pu na.

Esekiel 31:11

kina pu na, m yii bu, ki ga di bu tii ujojoor u ye uwɔwɔnja na. U ga di tiwan ni ŋeer busub ngbaan aabiin na tii bu.

Daniel 11:12

Waah ga nyaŋ bi ki ku baajab sakpen pu na ga cha u kpaln umakdaan; tɔ, waanyaŋ ngbaan mu aan yunn.

Daniel 11:16

Siria aabɔr ngbaan ga ŋa bi waah gee pu na, le ubaa aan ŋmaa sil kiir u. U ga sil Kitiŋ ki Ŋan na ni, ki ga li kpa mpɔɔn ki u kuln ki.

Daniel 11:3

“N‑yoonn ngbaan le ubɔr ubaa ga nyan ni ki ga li kaar ki kpa kipak sakpen. Waanaan ga li wiir pam, le u li ŋani waah gee pu na.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 3:29

“Le m siin nkaal dandana, ke litimbol, bee linibol, bee iliin imɔk aanib yaa len tibɔr ti kaa ŋan na Sadrak, ni Mesak, ni Abednego Aawumbɔr pu na kan, bi ga daa par par u, ki kuln udaan aadichal. Uwumbɔr uken aa ki bi ki ga ŋmaa gaa unii lii kina.”

Daniel 3:4

le unii u mooni tibɔr na teen mpɔɔn pu ki bui ke, “Ŋitimbol mɔmɔk aanib, ŋinibol mɔmɔk, ni iliin mɔmɔk aanib,

Daniel 3:6

Unii u yii kaa gbaan ki doon ni na, bi kpaan di u mee ŋa mmii sakpiin na ni.”

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Habakuk 2:5

Mbamɔn, liwangol ŋmanni unii la, u kpa kigaak le kaa tee kpa lifuur ma. Waah kpa kikumɔŋ ke likaakul ki bi ke nkun na, waa babr tiwan nibaa, le ki nyaŋni ŋitimbol ki chur binib mɔmɔk tinaagbiir.

Jɔnn 19:11

Le Yesu bui u, “Uwumbɔr yaa kaa tii si mpɔɔn kan, saan ŋmaa li kpa mpɔɔn ki ŋa mi nibaa. Nima pu na, unii u di mi ŋa aaŋaal ni na, waatunwanbir jer siyaan.”

Rom Yaab 13:1

Ni ŋan ke binib mɔmɔk li keei baatiŋ aayidam aamɔb. Uyidaan ubaa aa bi ubaa pu see Uwumbɔr le cha u bi. Biyidam bi bi na, Uwumbɔr le nyan bi siin.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,