Daniel 5:13 - Uwumbɔr aagbaŋ

¹³ Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?

Daniel 5:13 ပူးပေါင်းရင်းမြစ်များ

Esra 10:16

Binib bi nan nyan tinaagbiir ni ki gir ni na biken mɔmɔk nan kii utotoor Esra aah ban pu na, le u nan nyan biyidam, itaŋaal ngbaan ni, le ki ŋmee baayimbil ŋa kigbaŋ ni. Ŋmapiik aajan aawiin daal, le bi nan piin baatuln ki bi fiir lik,

Esra 10:7

Le binib ngbaan aayidam nan cha ntuun buen Jerusalem ni Juda aatim mɔmɔk ni, ke binib bi mɔmɔk nyan tinaagbiir ni ki gir ni na kuun ni, Jerusalem ni.

Esra 4:1

Juda ni Benjaminn yaab aadim nan ŋun ke Israel yaab bi nyan ni tinaagbiir ni ki gir ni na bi maa Bidindaan Uwumbɔr Aadichal,

Esra 6:16

Le Israel aanib, bitotoorb, ni Liifai yaab, ni binib bi mɔmɔk nan nyan ni tinaagbiir ni ki gir ni na, nan di Uwumbɔr Aadichal ngbaan tii uma Uwumbɔr, ni mpopiin ŋmeen.

Daniel 1:1

Jehoyakim aah nan ye ubɔrkpaan Juda aatiŋ pu na aabitatar ni, le Babiloŋ Aabɔrkpaan Nebukadnesar nan ti tak Jerusalem ki gob kitiŋ ngbaan.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 1:21

Daniel nan beenin bi ubɔr aachiln ni le Pesia Aabɔrkpaan Sairus nan nyaŋ Babiloŋ yaab butɔb ni.

Daniel 1:6

Daniel, ni Hanania, ni Misael, ni Asaria, bi mɔmɔk nan ye Juda aanib na, nan ŋmal baah nyan binachipɔm bi na ponn ni.

Daniel 2:25

Le Ariok fii mala ki di Daniel buen ubɔr Nebukadnesar aanimbiin ni, ki ti bui u ke, “M kan Juu aanaagbiib na ubaa, u ga ŋmaa tuk mpɔɔndaan saadaŋ ngbaan aatataa na.”

Daniel 2:48

Le u tii Daniel tininkpir ti nyuun na, ki tii u ipiin i ŋan sakpen na pam, ki tii u mpɔɔn ke u li lik Babiloŋ aapepel mɔmɔk, ki cha u ye libɔrchiln ni aasusurb mɔmɔk aayidaan.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Daniel 5:2

Baah bi nyu ndaan na, le Belsasar nan bui ke bi ti yoor ni salmaa aayikur, ni tikunabr aayikur, ni ŋisambil ŋi ute Nebukadnesar nan yoor nyan Uwumbɔr Aadichal ni, Jerusalem aatiŋ ni na. Ubɔr nan cha bi yoor ni tiwan ngbaan mɔmɔk ke u ni waaninyuum, ni upuutiib, ni ubɔtiib nan di ni nyu ndaan la.

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”

Daniel 8:1

Ubɔr Belsasar aah nan ti saa ŋibin ŋitaa nnaan ni na, le m nan ki daŋ tidaŋ ki kan iwaan aawan lelee.

Daniel 8:27

Tidaŋ ngbaan pu, le min Daniel aataakpab nan yɔl, le m nan buŋ ni ti yunn pam. Le m nan pɔɔk ki ki piin ki tun lituln li ubɔr nan di ŋa ŋŋaal ni na. Tidaŋ ngbaan nan gar mi pam, le maa bee taatataa.

Jɔnn 7:1

Nee aapuwɔb le Yesu bɔ dii Galilee aatingbaan ni. Waa gee u bɔ dii Judea aatingbaan ni; ba pu? Juu yaab bi bi nima na ban ke bi ku u la.

Jɔnn 7:3

Le unaatiib bui u, “Siir do, ki li cha Judea aatiŋ ni, aan binib bi dii si na mu ti kan saah tun lijinjiir aatun pu na.