Daniel 5:12 - Uwumbɔr aagbaŋ

¹² Waalan ni ichiin nyaŋ sakpen le u ŋmaa kpiir tidaŋ aatataa len, ki nyi ŋiyataŋak aatataa, ki ŋmaa kpiir tiwan ni bɔr na mɔk binib, kina pu na, tun yin ni uja u bi yin u ke Daniel na, u ubɔr nan ki yin u ke Beltesasar na, le u ga nan tuk si tiwan nimina mɔmɔk aatataa.”

Daniel 5:12 ပူးပေါင်းရင်းမြစ်များ

Ilahn 16:3

Uwumbɔr aanib bi dii u mbamɔm na ŋan sakpen a. Tiwan ni piir nsui sakpen na le ye ke m li bi bi chee.

Ŋiyataŋak 12:26

Unii u aabimbin ŋan na ye ujɔ aasanmɔkr la, le bibiindam ma aasan joo bi yenni.

Ŋiyataŋak 17:27

Unii u nyi ubaa pu na aa len n‑yoonn mɔmɔk. Binib bi bi suuna na kpa nlan.

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 2:26

Le ubɔr baa Daniel u bi ki yin u ke Beltesasar na ke, “Aa ga ŋmaa tuk mi tidaŋ ngbaan, ni taatataa aah ye pu na aa?”

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 4:8

Le Daniel koo ni. M nan ki di maawaal aayimbil Beltesasar, le di yin u. Uwumbɔr u bi chain na Aafuur Nyaan bi u chee, le m tuk u maah daŋ pu na.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 5:16

Tɔ, m ŋun ke aa ŋmaa kani tiwan ni bɔr na aatataa ki kpiir len. Aa yaa ga ŋmaa karn ŋŋmeen mue ki tuk mi mu aatataa kan, bi ga peen si libɔrbɔkul li ŋmal mmam, ni nsiin na, ki gbin si salmaa aaleen mu kpa kipak na aaneen ni, ki li ye nnaan mue ni aaninkpel tatar u paa m pu na.”

Daniel 6:3

Naa nan yunn le Daniel nan mɔk ke u ye unii u nyi waatuln ki jer uŋeen aatɔtiib bilee na, ni biyidam na mu la. Waah nan nyi tiwan ki ti nyaŋ sakpen pu na, ubɔr nan ŋa nlandak ke u di u ŋa waanaan ngbaan mɔmɔk aayidaan.

Daniel 6:4

Le uŋeen aatɔtiib na, ni biyidam na nan ban isan ke bi bii u waah joo nnaan ngbaan pu na, kaa ŋmaa kan nsan mu pu bi ga di bii u na; ba pu? Daniel nan tun waatuln ni ibamɔn la, kaa kpa beebee.

Kolosiya 1:29

Nima le cha m tun lituln linimaln. M tun lituln ngbaan waapɔɔn sakpiin pu la.