Daniel 5:11 - Uwumbɔr aagbaŋ

¹¹ Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:11 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

2 Samuel 14:17

Maaninkpel, m bui mbaa ke saah ga puu tipuur ti na ga gaa mi lii; ba pu? ubɔr naahn Uwumbɔr aatuun la, ki ga ŋmaa gann ni ŋan na, ni ni kaa ŋan na ponn ni. Aadindaan Uwumbɔr li bi aa chee.”

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Esekiel 28:4

Saalan ni nwanyim le cha aa kpa liwangol li ye salmaa, ni tikunabr na.

Daniel 1:4

Bi nan ye binachipɔm bi ŋan, ki kpa nlan, bi bi mɔk bi tiwan mbamɔm na, aan bi ŋmaa bae tiwan mala mala, kaa kpa iween ibaa na, aan bi li bi ubɔr aadichal ni. Aspenas aatuln le nan ye ke u mɔk bi tiwan aan bi li ŋmaa karni ki ŋmaa ŋmee Babiloŋ yaab aaliin.

Daniel 2:11

Mpɔɔndaan aah ban u bee tiwan ni na pɔɔ sakpen a, le unibɔn ubaa aan ŋmaa ŋa kina see ŋiwaa, ŋi mu aa koo binibɔm chee na.”

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 4:18

Le Ubɔrkpaan Nebukadnesar bui ke, “Tidaŋ ti m daŋ na le bi na. Tɔ, Beltesasar, tuk mi taatataa aah ye pu na. Maasusurb ubaa aa ŋmaa tuk mi taatataa, le aa ma ga ŋman, ba pu? Uwumbɔr u bi chain na Aafuur Nyaan bi aa chee.”

Daniel 4:5

Le m nan daŋ tidaŋ ki kan ijawaan aawan nibaa tidaŋ ngbaan ponn ni buyoonn m dɔ geen na.

Daniel 4:6

M nan cha bi ti yin ni Babiloŋ aabɔrchiln ni aasusurb mɔmɔk ke bi nan tuk mi tidaŋ ngbaan aatataa aah ye pu na.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

Lituln 12:22

Waah len tibɔr pu na, le bi mɔmɔk tar ke, “Ni ye Uwumbɔr aaneel la, naa ye unibɔn.”

Lituln 14:11

Le kinipaak ngbaan kan Pɔɔl aah ŋa pu na. Le bi teen Likonia aatiŋ aanib aaliin ponn ni, “Ŋiwaa le kpaln binib ki dan ti chee do.”

Lituln 16:16

Ti nan ki buen baah mee Uwumbɔr nin chee na. Taah cha na, le usapɔɔn ubaa ton timi nsan ni. U nan ye unaagbiibo la. Bininkpiib nan dii u, ki cha u tuk binib tiwan ni choo ki ga nan ŋa na aabɔr. Waah ŋani kina na, le u kan ŋimombil pam ki tii udindatiib.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.