Daniel 4:8 - Uwumbɔr aagbaŋ

⁸ Le Daniel koo ni. M nan ki di maawaal aayimbil Beltesasar, le di yin u. Uwumbɔr u bi chain na Aafuur Nyaan bi u chee, le m tuk u maah daŋ pu na.

Daniel 4:8 ပူးပေါင်းရင်းမြစ်များ

Mpiin 41:38

le u bui bi ke, “Ti ga ki kan ŋma u li kpa nlan ke Josef u Uwumbɔr di Waafuur Nyaan tii u na?”

Aisaya 46:1

Babiloŋ aawaa aadoon le na. Bel ni Nebo nan ye ŋiwaa ŋi bi nan dooni ŋi na la, le dandana ma bi di ŋi buu paan ibon pu, ŋi gur ye ŋitun ŋi nyuun na le ki tii ibon i bak na.

Aisaya 63:11

Le bi teer n‑yoonn mu jer na, Uwumbɔr aatutunn Moses aayoonn, le ki baa ke, “Uwumbɔr u nan nyan waanib aaninkpiib nnyusakpem ni na bi la chee dandana wee? Uwumbɔr u nan di Waafuur Nyaan tii Moses na bi la chee?

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Esekiel 17:23

m ga ti ŋum ni Israel aajool li fɔk jer ŋijoo mɔmɔk na pu. Ni ga ŋa ŋipan ki lu ŋisubil ki kpaln santina sakpiin. Inyoon mɔmɔk aabɔŋ ga li koo bu ni, ki kan lifuur bu aaboon ni.

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 2:11

Mpɔɔndaan aah ban u bee tiwan ni na pɔɔ sakpen a, le unibɔn ubaa aan ŋmaa ŋa kina see ŋiwaa, ŋi mu aa koo binibɔm chee na.”

Daniel 2:26

Le ubɔr baa Daniel u bi ki yin u ke Beltesasar na ke, “Aa ga ŋmaa tuk mi tidaŋ ngbaan, ni taatataa aah ye pu na aa?”

Daniel 3:14

Le u bui bi ke, “Sadrak, ni Mesak, ni Abednego, ni ye mbamɔn ke naa dooni maawaal, kaa gbaani maah di salmaa naan tiwan ni ki di siin na aanimbiin ni ii?

Daniel 4:18

Le Ubɔrkpaan Nebukadnesar bui ke, “Tidaŋ ti m daŋ na le bi na. Tɔ, Beltesasar, tuk mi taatataa aah ye pu na. Maasusurb ubaa aa ŋmaa tuk mi taatataa, le aa ma ga ŋman, ba pu? Uwumbɔr u bi chain na Aafuur Nyaan bi aa chee.”

Daniel 4:9

M nan bui u ke: Beltesasar, bibɔɔb aabɔr, m nyi ke Uwumbɔr u bi chain na Aafuur Nyaan bi aa chee, ki nyi ke aa ŋmaa beer iwaan aawan mɔmɔk aatataa. Maadaŋ le bi na. Tuk mi taatataa aah ye pu na.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.