Daniel 4:34 - Uwumbɔr aagbaŋ

³⁴ Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 4:34 ပူးပေါင်းရင်းမြစ်များ

2 Samuel 22:31

Uwumbɔr ma aabimbin ŋan ti nyaŋ, le aa ga ŋmaa li kpa waamɔbon pu limakl. U naahn kijaak aapeln le ki tii binib bimɔk ban waaterm na.

1 Bibɔrb Aabɔr 29:10

Binib bi nan kuun ni na aanimbiin ni, le Ubɔr David nan pak Uwumbɔr. U nan bui ke, “Uwumbɔr, tiyaaja Jakob Aawumbɔr, kipak ye sin yaan le ki ti saa n‑yoonn mu kaa kpa ndoon na.

1 Bibɔrb Aabɔr 29:13

Tɔ, timi Aawumbɔr, ti doon si, le ki pak saayimbil li kpa kipak na.

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 102:24

Uwumbɔr, taa yoor mi buen dandana; cha m por waahr. Uwumbɔr, aa bi n‑yoonn mɔmɔk la;

Ilahn 107:15

Ni ŋan ke bi di idoon tii Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 107:31

Ni ŋan ke bi di idoon tii uma Uwumbɔr, waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 107:8

Ni ŋan ke bi doon Uwumbɔr waageehm mu bi n‑yoonn mɔmɔk na pu, ni ŋitukpaan ŋi u tun tii bi na pu.

Ilahn 111:7

U bi chob le ki tun waatun mɔmɔk waah puu ke u ga ŋa pu na; aa ga ŋmaa li kpa waakaal mɔmɔk pu kipupuk.

Ilahn 121:1

M lik ŋijoo paab; la chee aan maaterm ga nya ni?

Ilahn 123:1

Uwumbɔr, m lik sin pu la, m lik paacham, nin chee aa bi ki joo dulnyaa na.

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ilahn 146:10

Uwumbɔr le ye ubɔr n‑yoonn mɔmɔk. Sionn aatiŋ aanib, nimi Aawumbɔr aanaan aan doo. Pak Uwumbɔr man.

Ilahn 50:14

Cha man idoon baanja li ye kitork ki ni joo tii mi na, ki tii mi Uwumbɔr Mpɔɔnsakpiindaan tiwan nimɔk ni puu ke ni ga tii mi na.

Ilahn 66:7

U joo waapɔɔn lik binib pu ki cha n‑yoonn mu kaa kpa ndoon na, ki cha unimbil paa ŋitimbol mɔmɔk pu. Taa cha ubaa nya upuwɔb.

Ilahn 7:17

M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Ilahn 9:2

Sin pu le m ga di mpopiin gaa ilahn. Uwumbɔr Mpɔɔnsakpiindaan, m ga gaa ilahn ki pak si.

Ilahn 92:1

Uwumbɔr, ni ŋan sakpen ke ti doon si, Uwumbɔr u kaa kpa ŋeen aatɔ na, ni ŋan ke ti gaa ilahn ki nyuŋ si,

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Inandalahn 3:38

Uma le ga len, le ni ŋan na, ni ni kaa ŋan na ga ŋa.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 4:2

Li pel man maah kan lijinjiir ni iwaan aawan ni aan Uwumbɔr u kaa kpa ŋeen aatɔ na di kpiir mɔk mi na.

Daniel 4:26

Uwumbɔr aatuuntiib nan bui ke bi di cha busub ngbaan aasukpiil li li si kitiŋ. Nimina mɔk ke aa yaa nan tii naadii ke Uwumbɔr le joo dulnyaa wee mɔmɔk kan, aa ga ki gir ji saanaan.

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:36

“Maalan aah ki gir ni m chee na, le bi ki di maapak, ni maapɔɔn, ni maayimbil, ni maanaan tii mi. Maaninkpiib, ni maaninyuum nan ki gaa mi iŋaal ilee, le ki ki di maanaan aapɔɔn tii mi, hali ki pak mi ki jer maah nan bi pu na.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Daniel 5:21

Bi nan jenn nyan u binib chee, le waalandak gur bi ke tiwakor aalandak na. U ni ibon i bi timoor ni na, le nan gur koo tɔb chee, ki ŋmɔ timoor ke unaa na, ki doo timoor ni, nibaa aa bii u pu limaln taa pii u. Gbelngbeln na, le u di naadii tii Uwumbɔr u kaa kpa ŋeen aatɔ na, ke uma le joo unibɔn aanaan mɔmɔk, ki ga ŋmaa di mu tii unii umɔk u gee u na.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Daniel 7:27

Kitiŋ kee mɔmɔk aanaan aapɔɔn mɔmɔk ga kpaln Uwumbɔr u kaa kpa ŋeen aatɔ na aanib aanaan la. Baanaan aapɔɔn aan li kpa ndoon, le dulnyaa wee ni aaninkpiib mɔmɔk ga tun baatuln ki kii baamɔi.”

Daniel 9:14

Tidindaan Uwumbɔr, sin le nyan sil ke aa daa timi aatafal, ki mu sil ŋa kina; ba pu? aa ŋani tiwan ni ŋan na n‑yoonn mɔmɔk, le ti yii kaa ŋun tii si.

Jona 1:14

Kina pu le bi wii ki yin Uwumbɔr ke, “Uwumbɔr, ti mee si, taa daa titafal ki ku timi uja wee aamɔfal pu. Uwumbɔr, sin le tun nimina mɔmɔk; ni ye saatuln la,”

Maika 4:7

Binib bi gur na wɔb le ki daa bido, le m ga tii bi mpɔɔn, le bi ga kpaln litimbol kpaan. M ga li bi Sionn Aajool paab le ki joo bi ki ti saa n‑yoonn mu kaa kpa ndoon na.”

Tibɔnyaan ti Luk ŋmee ti na 1:33

U ga li ye uyaaja Jakob aayaabitiib aabɔr n‑yoonn mu kaa kpa ndoon na. Waanaan aan doo.”

Tibɔnyaan ti Luk ŋmee ti na 18:13

“Ulampoogaar ngbaan nan sil dandar, kaa kaa u waan lik paacham. U nan po si jik uyil, le ki bui ke, ‘Uwumbɔr, san mi titunwanbirdaan kinimbaak,’ le ki siir kun.

Jɔnn 5:26

Nte Uwumbɔr ye Umɔfadaan la, le ki ŋa min Ujapɔɔn mu Umɔfadaan,

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

1 Timoti 1:17

Cha ti pak Uwumbɔr, ki nyuŋ u. Uma le ye Uwumbɔr baan; tinimbil aa waa u; u ye Ubɔrkpaan u ga li bi n‑yoonn mu kaa kpa ndoon na, kaan kpo. Amii.

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

Tibɔkpiirkaan 10:6

ki puu Uwumbɔr u bi n‑yoonn mu kaa kpa ndoon na, ki nan naan paacham ni tiwan nimɔk bi ni ponn ni na, ni kitiŋ ni tiwan nimɔk bi kitiŋ pu na, ni nnyusakpem, ni tiwan nimɔk bi mu ponn ni na, ke Uwumbɔr aan ki taan.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 4:10

Tiwanfuurkaan ngbaan aah len kina na, le bininkpiib moninko ni binaa ngbaan gbaan Uwumbɔr u ka libɔrjal pu ki ga li bi n‑yoonn mu kaa kpa ndoon na aanimbiin ni, ki doon u, ki di baasalmaa aayikpupur bil waabɔrjal taab, ki len ke,

Tibɔkpiirkaan 4:9

Tiwanfuurkaan ninaa ngbaan le len kina, ki di mpakm, ni lisil, ni idoon tii Uwumbɔr u ka libɔrjal pu, ki ga li bi n‑yoonn mu kaa kpa ndoon na.