Daniel 4:32 - Uwumbɔr aagbaŋ

³² Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:32 ပူးပေါင်းရင်းမြစ်များ

2 Bibɔrb Aabɔr 33:13

Uwumbɔr nan kii waameel ki cha u gir kun Jerusalem ki ti ki joo waanib. Nimina le nan cha Manase bee ke Uwumbɔr le ye Udindaan.

Job Aagbaŋ 42:2

Uwumbɔr, m nyi ke aa ye mpɔɔnsakpiindaan la; ki nyi ke aa ga ŋmaa ŋa tiwan ni mɔmɔk aa ban na.

Job Aagbaŋ 9:12

U yoor tiwan ni u ban na la, le ubaa aa ŋmaa chuu u; ubaa aan kaa ki baa u ke, “Aa ŋani ba?”

Ilahn 115:3

Timi Aawumbɔr bi paacham la; u ŋani waah gee pu na.

Ilahn 135:6

U ŋani waah gee pu na paacham ni taab, ni nnyusakpem aataab.

Nnyam 8:10

Ubɔr ngbaan nan bui ke, “Ni yaa fe woln kichakpiik ni kan, aa mee Uwumbɔr.” Le Moses bui u ke, “M ga ŋa saah ban pu na, nima kan, aa ga sil bee ke Uwumbɔr ubaa aa ki bi ki kpee Tidindaan Uwumbɔr ngbaan pu.

Nnyam 9:14

N‑yoonn mue kan, maan ki daa saaninkpiib ni saanib ŋmeen aatafal, m ga daa aa mu aatafal kpee, nima kan aa ga bee ke ubaa aa ki bi dulnyaa wee ni ki kpa mpɔɔn ke min na.

Nnyam 9:29

Moses nan bui u ke, “M yaa nyan kitiŋ kee ni kan, libuul ngbaan ni, le m ga yoor ŋŋaal paacham ki mee Uwumbɔr, le utaal aan ki teen, ŋitaatakpal mu aan ki lir, nima kan, aa ga bee ke Uwumbɔr le yeh dulnyaa wee mɔmɔk.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Aisaya 40:15

Uwumbɔr ma chee kan, ŋitimbol aa ye nibaa, ŋaa fuu linyunbol libaa; ŋidik ŋi bi dandar na naahn kitangbaak la.

Aisaya 40:17

Ŋitimbol ngbaan aa ye nibaa u chee.

Aisaya 45:3

M ga nyan ni liwangol mbɔmbɔɔn ni ki nan tii si, le aa bee ke min le sil ye Uwumbɔr, ki bee ke Israel yaab Aawumbɔr ngbaan le yin si ke Sairus.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 4:31

Waahr aan u nin len tibɔr ngbaan doo na, le nneel nyan ni paacham ki len ke, “Ubɔrkpaan Nebukadnesar, li pel maah ban m len pu na. M nyan saanaan aapɔɔn aa chee dandana.

Daniel 5:21

Bi nan jenn nyan u binib chee, le waalandak gur bi ke tiwakor aalandak na. U ni ibon i bi timoor ni na, le nan gur koo tɔb chee, ki ŋmɔ timoor ke unaa na, ki doo timoor ni, nibaa aa bii u pu limaln taa pii u. Gbelngbeln na, le u di naadii tii Uwumbɔr u kaa kpa ŋeen aatɔ na, ke uma le joo unibɔn aanaan mɔmɔk, ki ga ŋmaa di mu tii unii umɔk u gee u na.

Josua 4:24

Nima pu na, binib mɔmɔk bi bi dulnyaa wee ni na ga bee Uwumbɔr aapɔɔn aah bi pu na, le ni ga li nyuŋni Nidindaan Uwumbɔr ki cha n‑yoonn mu kaa kpa ndoon na.”