Daniel 4:31 - Uwumbɔr aagbaŋ

³¹ Waahr aan u nin len tibɔr ngbaan doo na, le nneel nyan ni paacham ki len ke, “Ubɔrkpaan Nebukadnesar, li pel maah ban m len pu na. M nyan saanaan aapɔɔn aa chee dandana.

Daniel 4:31 ပူးပေါင်းရင်းမြစ်များ

Mpiin 14:18

Le Melkisedek u nan ye Salem aabɔr, ki ki ye Uwumbɔr u kaa kpa ŋeen aatɔ na aatotoor na, nan joo ni tijikaar, ni ŋisubil aadaan nan tii Abram,

Job Aagbaŋ 20:23

Cha u ji waah ban pu na mɔmɔk. Uwumbɔr aaŋuusakpeln ni le u ga daa utafal.

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Aisaya 14:27

Uwumbɔr Mpɔɔnsakpiindaan puu ke u ga ŋa nimina; u fii sil ke u daa binib aatafal, le ubaa aan ŋmaa kiir u ke u taa ŋa kina.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 4:24

“Mpɔɔndaan, nimina le ye taatataa, nima le Uwumbɔr u kaa kpa ŋeen aatɔ na di tiwan ni ga ŋa si n‑yoonn mu choo na tuk si.

Daniel 4:26

Uwumbɔr aatuuntiib nan bui ke bi di cha busub ngbaan aasukpiil li li si kitiŋ. Nimina mɔk ke aa yaa nan tii naadii ke Uwumbɔr le joo dulnyaa wee mɔmɔk kan, aa ga ki gir ji saanaan.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 5:20

Tɔ, u nan di kigaak, ni inimpool, ni mbiin di ŋa waawangol na, nima le Uwumbɔr nan nyan u waanaan ni, ni kipak ni.

Daniel 5:28

n‑yakr, u chuu yakr saanaan ki di tii Media ni Pesia yaab.”

Daniel 6:27

U gaal binib lir ki cha bi ŋmar; u tun iwaan, ni lijinjiir aatuln paacham, ni kitiŋ do. U cha ichinn aa ŋmaa ku Daniel.”

Matiu 3:17

Le u ŋun nneel len paacham ke, “Njapɔɔn u m gee u na sɔ. Nnimbil gbiin u.”

Tibɔnyaan ti Luk ŋmee ti na 12:20

Tɔ, le Uwumbɔr bui u, ‘Si ujɔr wee, kinyeek kee le aa ga kpo. Saah kuun liwangol limɔk siin na, ŋma ga li yeh li?’

Jɔnn 12:28

Nte, cha binib nyuŋ si.” Waah len kina na, le nneel nyan ni paacham ki len ke, “M cha bi nyuŋ mi, ki ga ki cha bi nyuŋ mi.”

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.

Tibɔkpiirkaan 16:7

Le m ŋun nneel nyan ni kitork aabimbiln ni ki len ke, “Tidindaan Uwumbɔr, u yeh mpɔɔn mɔmɔk na, ni ye mbamɔn, aa jin binib tibɔr mbamɔm ki ŋa bi naah ŋeer bi pu na.”

1 Samuel 13:14

Tɔ, n‑yoonn mue na, saanaan aan buen mɔb; ba pu? aa yii Uwumbɔr, le u ga ban uja u u gee na, ki di u ŋa waanib aajojoor.”

1 Samuel 15:23

Aa yaa yii waamɔb kan, ni ye titunwanbir ke kisook na la. Kigaak mu bir ke ŋiwaa aadoon na la. Saah yii Uwumbɔr aamɔb pu na, kina le u mu yii si, ke saan ki li ye ubɔr.”