Daniel 4:30 - Uwumbɔr aagbaŋ

³⁰ le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Daniel 4:30 ပူးပေါင်းရင်းမြစ်များ

Mpiin 10:10

Njan, waah nan jin nnaan ntim mu ponn ni na le nan ye Babiloŋ, ni Erek, ni Akad; ntim mutaa ngbaan mɔmɔk nan ye Babiloŋ aatim la.

Esta 1:4

Njim ngbaan nan yunn ki ti saa iŋmal iloob, le u nan joo libɔrchiln ni aawangol, ni laanyaan, ni laapɔɔn mɔmɔk ki mɔk binib ngbaan.

Ilahn 104:1

M joo nsui mɔmɔk pak Uwumbɔr la. Ndindaan Uwumbɔr, saapɔɔn nyaŋ sakpen a. Aa kpa nnaan aapɔɔn ni nnyuŋ;

Ilahn 49:20

Unii aawangol aan ŋmaa nyan u nkun ni, u ga nan kpo ke kiwakork na la.

Ilahn 73:8

Bi laa binib biken, le ki len tibɔbir; bi kpa kigaak, le ki kpokl ke bi muk biken.

Ŋiyataŋak 11:2

Naan yunn le binib bi mak sakpen na ji inimɔɔn. Ni ye nlan ke aa li bi suuna.

Ŋiyataŋak 16:18

Kipupuk joo ni libiil la, le kigaak joo ni nkun.

Ŋiyataŋak 29:23

Kigaak le ga joo ni saadoon, le aa yaa sunn aabaa taab kan, aa kani kipak ni lisil.

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Esekiel 29:3

Bui ke Dindaan Uwumbɔr aah tuk Ijipt aabɔr pu na sɔ: sin unyiib, kiwanbiik ki dɔ nnyun ni na, m ye saadin la. Aa bui ke Nail Aamɔɔl ye sin yaan la, ki len ke sin le ŋa li.

Daniel 4:31

Waahr aan u nin len tibɔr ngbaan doo na, le nneel nyan ni paacham ki len ke, “Ubɔrkpaan Nebukadnesar, li pel maah ban m len pu na. M nyan saanaan aapɔɔn aa chee dandana.

Habakuk 1:11

le ki chuun mala ke libuln na ki jer, titunwanbirdam bi aapɔɔn ye baawaal na le na.”

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 14:9

Le udichadaan ngbaan ga dan nan bui si, ‘Cha uja wee kal do chee.’ Le inimɔɔn ga chuu si. Le aa ga fii ki ti kal uwaatiir aakakaa chee.

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 16:19

Le kitisakpeŋ ngbaan aadir mɔmɔk yakr nfum mutaa ki lir kitiŋ. Ŋinibol mɔmɔk aatim mu lir kitiŋ a; ba pu? Uwumbɔr aa suln kitisakpeŋ Babiloŋ ngbaan aanib aatunwanbir bɔr, ki tii bi kiyikuuk ki gbii ndaan mu ye waaŋuul sakpen na, ki cha bi nyu.

Tibɔkpiirkaan 17:5

Liyimbil li aatataa bɔɔ na nan ŋmee paa uyigbeer pu. Liyimbil ngbaan le ye ke, “Kitisakpeŋ Babiloŋ ki ye bipiidagoob ni bininsum mɔmɔk aana na.”

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”

Tibɔkpiirkaan 18:21

Tɔ, le Uwumbɔr aatuun mpɔɔndaan yoor litakpal li naahn kinaak sakpeŋ na, ki di mee lii nnyusakpem ponn ni, le ki bui ke, “Kina le bi ga yoor kitisakpeŋ Babiloŋ ki di lii. Kaan ki li bi.