Daniel 4:18 - Uwumbɔr aagbaŋ

¹⁸ Le Ubɔrkpaan Nebukadnesar bui ke, “Tidaŋ ti m daŋ na le bi na. Tɔ, Beltesasar, tuk mi taatataa aah ye pu na. Maasusurb ubaa aa ŋmaa tuk mi taatataa, le aa ma ga ŋman, ba pu? Uwumbɔr u bi chain na Aafuur Nyaan bi aa chee.”

Daniel 4:18 ပူးပေါင်းရင်းမြစ်များ

Mpiin 40:12

Le Josef bui ke, “Tidaŋ ngbaan aatataa le ye ke ibon itaa na ye iwiin itaa mu la.

Mpiin 41:15

Le ubɔr bui u ke, “M daŋ tidaŋ la, le ubaa aa bi ki ga ŋmaa tuk mi tidaŋ ngbaan aatataa. Bi tuk mi ke aa ga ŋmaa nabr ti tii mi.”

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

Aisaya 19:3

M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 2:38

U ŋa si unibɔn aah bi nimɔk na aabɔr, ki tii si mpɔɔn tiwakor ni inyoon pu ke aa li lik ni. Sin le ye liyil li bi di salmaa naan li na.

Daniel 2:7

Le bi ki gir gar ubɔr ke, “Mpɔɔndaan yaa ba ga tuk timi tidaŋ ngbaan kan, ti ba ga ŋmaa tuk si taatataa.”

Daniel 5:15

M yin bisusurb, ni binib bimɔk joo inyɔk tun iwaan aatuln na ke bi nan karn ŋŋmeen mue ki tuk mi mu aatataa, le baa ŋmaa karn, kaa ki bee mu aatataa mu.

Daniel 5:8

Libɔrdichal ni aasusurb ngbaan nan foor mal ni, le kaa ŋmaa karn ŋŋmeen ngbaan, kaa ŋmaa tuk ubɔr mu aatataa mu.

Amos 3:7

Tidindaan Uwumbɔr aa ŋani waawan nibaa kaa puen di ni kpiir mɔk waatutum bi ye waabɔnabtiib na.