Daniel 4:17 - Uwumbɔr aagbaŋ

¹⁷ Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:17 ပူးပေါင်းရင်းမြစ်များ

1 Bibɔrb 21:25

Ubaa aa nan ki neen titunwanbir aatuln Uwumbɔr chee ke Ahab na. Upuu Jesebel mu le nan pai u le u tun.

2 Bibɔrb Aabɔr 28:22

Waatunwanbir aah nan ti moo bi nyaŋ ni na, le uja Ahas moo tun titunwanbir ti ubaa aa kee tun na.

Ilahn 103:19

Uwumbɔr di waabɔrjal siin paacham; uma le ye unibɔn ni tiwan mɔmɔk aabɔr.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Nnyam 9:16

Maah ban m mɔk si maapɔɔn na, maa ku si, nima kan, binib mɔmɔk ga bee maah kpa liyimbil dulnyaa wee mɔmɔk ni pu na.

Aisaya 6:3

Ni nan wii ki yin tɔb ki len ke: “Chain, chain, chain, Uwumbɔr Mpɔɔnsakpiindaan bi chain. Waapak gbiin dulnyaa mɔmɔk.”

Aisaya 6:8

N‑yoonn ngbaan le m ŋun Ndindaan aaneel len ke, “M ga tun ŋma? Ŋma ga li ye timi aatuun?” Le m bui ke, “M ga buen. Tun mi.”

Esekiel 25:17

M ga daa bitafal mbamɔm ki teen bi lipɔln pel pel. Bi ga kan maaŋuul aah bi pu na. N‑yoonn ngbaan le bi ga bee ke min le ye Uwumbɔr.”

Esekiel 7:24

M ga cha ŋitimbol ŋi tun titunwanbir sakpen na dan do ki nan gaa nimi aadichal. M yaa cha ŋitimbol ngbaan bii naah dooni nimi aawaa ŋi na kan, nimi aajab bi pɔɔ sakpen na aawon ga yɔl.

Daniel 11:21

Le Uwumbɔr aatuun ngbaan ki kpiir tuk mi ke: “Siria yaab aabɔr u ga paan ni na ga li bir pam, kaan li kpa nsan ke u ji nnaan, le ki mu tee ga di beebee nyan ni, ubaa aan li nyi u bɔr, le ki nan gaa nnaan ngbaan.

Daniel 2:21

Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 4:2

Li pel man maah kan lijinjiir ni iwaan aawan ni aan Uwumbɔr u kaa kpa ŋeen aatɔ na di kpiir mɔk mi na.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Rom Yaab 13:1

Ni ŋan ke binib mɔmɔk li keei baatiŋ aayidam aamɔb. Uyidaan ubaa aa bi ubaa pu see Uwumbɔr le cha u bi. Biyidam bi bi na, Uwumbɔr le nyan bi siin.

1 Korenti 1:28

U nyan bigiim, ki nyan binib bi ye fam binib aanimbil ni na, ki nyan binib bi kaa ye nibaa binib aanimbil ni na mu, aan ki ŋa binib bi kpa ipɔɔn na yɔli.

1 Timoti 5:21

M sur si Uwumbɔr ni Tidindaan Yesu Kristo ni waatuuntiib bi u nyan bi na aanimbiin ni la, aa li ŋani maah len pu na, ki li joo Yesu aanib mbamɔm, ki taa li kpa imaagann.

Tibɔkpiirkaan 4:8

Ni mɔmɔk nan kpa ifeen iloloob, ki mu nan kpa ŋinimbil tiwon mɔmɔk pu. Nwiin pu ni kinyeek mɔmɔk, naa fuur; n‑yoonn mɔmɔk ni len ke, “Chain, chain, Tidindaan Uwumbɔr u yeh mpɔɔn mɔmɔk na ye chain la. U nan bi, ki beenin bi, ki ga li bi n‑yoonn mu kaa kpa ndoon na.”

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.