Daniel 4:16 - Uwumbɔr aagbaŋ

¹⁶ Waan ki li kpa unibɔn aasui ki ti saa ŋibin ŋilole, u ga li gur kpa tiwakor aasui la.

Daniel 4:16 ပူးပေါင်းရင်းမြစ်များ

2 Samuel 18:32

Le ubɔr baa u ke, “Unachipɔɔn Absalom na kpa limɔfal aa?” Le unaagbiija ngbaan bui ke, “Maaninkpel, bi yaa ba ŋa saadim mɔmɔk, ni bimɔk yii saamɔb na, ke baah ŋa u pu na kan, m ba gee.”

Aisaya 6:10

Le u ki bui mi ke, “Cha binib ngbaan aasui taa li bi nibaa ni, ki cha bitafal kpaa, ki cha binimbil mu jɔb, aan bi taa li waa ki taa ŋun, ki taa bee nibaa. Ni yaa kaa ye kina kan, bi ga kpeln baabimbin ki dii mi aan m tii bi laafee.”

Daniel 11:13

“Siria aabɔr ga gir ti ban bijab bi wiir jer njan yaab na. Le n‑yoonn yaa nan ŋeer kan, u ga di bijab bi wiir, ki kpa tijawan mbamɔm na gir buen.

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 4:23

Mpɔɔndaan, saah nan si lik na, le Uwumbɔr aatuun nyan ni paacham ki sunn ni ki nan len ke, ‘Chuu gaa busub ngbaan lii man ki kuln bu, ki tee cha bu aasukpiil li si. Di tikur ni tikumann aabuen ŋmaan li, ki cha li li si timoor ni nima. Cha limaln lir uja wee pu, ki cha u ni ipeel li koo tɔb chee, ki ti saa ŋibin ŋilole.’

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Daniel 7:28

Maah nan ŋmee pu bil na le na. Ijawaan nan chuu mi sakpen, le nwon yɔl, le m nan di tibɔr ngbaan mɔmɔk ŋa nsui ni.

Hiibru Yaab 1:11

Kitiŋ ni paacham ga doo, le aa ma ga li beenin bi. Kitiŋ ni paacham ga kpoi ke libɔkul na.

Tibɔkpiirkaan 12:14

Le Uwumbɔr tii upii ngbaan libɔrwiin aafeen ilee ke u fii buen nteersakpiin ni, waapaan ni, kipeewanbiik ngbaan taa ki pii u nima chee. Le bi ti kpiini u nima chee ki ti saa ŋibin ŋitaa ni ligeln.