Daniel 3:28 - Uwumbɔr aagbaŋ

²⁸ Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 3:28 ပူးပေါင်းရင်းမြစ်များ

Mpiin 9:26

M pak Uwumbɔr u Sem dii u na. Kanaann ga li ye Sem aanaagbiija la.

1 Bibɔrb Aabɔr 5:20

Bi nan di baanaadii tii Uwumbɔr la, le ki mee u ki ban nterm. Le Uwumbɔr nan kii baameel ki cha bi nyaŋ Hagar yaab ni bimaantɔtiib.

2 Bibɔrb Aabɔr 20:20

Lichakpitaawoln, le binib ngbaan fii ke bi buen nteersakpiin mu bi gbɔk Tekoa aatiŋ na ni. Baah nan ban bi siir nima chee na, le Jehosafat di lilambil limina tii bi: “Juda ni Jerusalem aajab, di nimi aanaadii tii Nidindaan Uwumbɔr man, nima kan, ni ga sil chob. Kii tii waabɔnabtiib aah tuk nimi pu na, nima kan, ni ga kan linyaŋ.”

2 Bibɔrb Aabɔr 32:21

Uwumbɔr nan tun waatuun le mu ti ku Asiria aajab ni baaninkpiib. Le ubɔrkpaan ngbaan nan di inimɔɔn gir kun Asiria. Nwiin mubaa daal le u nan bi waawaadiik ni, le ujapɔtiib bibaa buen ti di baajaak aajum ku u.

Esra 1:3

Uwumbɔr li bi nimi bi mɔmɔk ye waanib na chee. Ni buen Jerusalem ki ti gir maa lidichal tii Israel yaab Aadindaan Uwumbɔr, u bi dooni u Jerusalem ni na.

Esra 6:11

M ki siin nkaal ke unii umɔk yii maamɔb na kan, bi nyan nlɔkdɔ waadiik ni, ki kpir mumɔb chɔk chɔk, ki di saa chaar u, ki cha waadichal kpaln litapuln.

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 147:11

u neen binib bi nyuŋni u ki mak waageehm mu bi n‑yoonn mɔmɔk na pu la.

Ilahn 33:18

Uwumbɔr lik binib bi keei waamɔb ki tii waageehm mu bi n‑yoonn mɔmɔk na naadii na pu la.

Ilahn 33:21

Uma pu le tisui piin, ti tii waayimbil li bi chain na naadii.

Ilahn 34:22

Uwumbɔr ga gaa waanib lii; binib bi chaa u chee ke u li kii bi na ga ŋmar.

Ilahn 62:8

Maanib, tii Uwumbɔr naadii n‑yoonn mɔmɔk man. Bui u nimi aamuk mɔmɔk man, ba pu? uma le ye timi aabɔbɔryaan.

Nnyam 20:5

Ni taa gbaan kitiŋ ke ni doon liwaal libaa; ba pu? min le ye Nidindaan Uwumbɔr, le maa ban m ni ubaa li kpaan yeh nimi. M ga daa binib bi nan mi na, ni biyaabitiib, ni bi mu aayaabitiib aatafal,

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 3:25

Le u ki baa bi ke, “Tɔ, ni ŋa kinye aan m waa bijab binaa chuun kpak mmii ngbaan ni? Iŋmin aa ki buu bi, le nibaa aa mɔk ke mmii seer bi; le unanar na ma naahn Uwumbɔr aatuun la.”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Matiu 4:10

Le Yesu bui ki ke, “Kinimbɔŋ, li cha. Ni ŋmee Uwumbɔr Aagbaŋ ni ke, ‘Li pak Aadindaan Uwumbɔr ki dii uma baanja.’”

Lituln 4:19

Le Piita ni Jɔnn bui bi, “Ti yaa kii nimi aamɔb, bee ti yaa kii Uwumbɔr aamɔb le kan, nilani ŋan Uwumbɔr chee? Ni dakl ki lik.

Lituln 5:19

Kinyeek ngbaan le Uwumbɔr aatuun dan nan chuu piir kiyondiik aajaaleŋ, le ki nyan bi, ki bui bi,

Rom Yaab 12:1

Nima pu na, nnaabitiib, Uwumbɔr aanimbaasaln pu le m gaŋ nimi, ni di nimi aawon tii Uwumbɔr, ki ŋa kitork ki fu, ki bi chain, ki ga piir usui na. Nimina le ye naah ga li dooni u mbamɔm pu na.

1 Korenti 13:3

U yaa di waawan mɔmɔk kpiin bigiim, ki yaa cha binib di u pun mmii ni Yesu pu, ki yaa kaa gee binib kan, naa kpa tinyoor Uwumbɔr chee.

Filipi 1:20

Nnimbil man ke binib nyuŋ Kristo m pu. M yaa kpo u pu, bee m yaa kaa kpo u pu kan, m ban ke m li kpa lipobil dandana wee, ke maah kpa n‑yoonn mɔmɔk pu na, ki li len ki taa li san binib inimɔɔn.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 11:37

Bibaa mu aah nan gaa Uwumbɔr ki kii pu na, le binib mae bi ŋitakpal ku bi. Bibaa mu aah nan gaa Uwumbɔr ki kii pu na, le bi chuu gii por bi ki ku bi. Bibaa mu aah nan gaa Uwumbɔr ki kii pu na, le bi nan [tɔŋ bi, ki] di kijaak aajuk ku bi. Bibaa mu aah nan gaa Uwumbɔr ki kii pu na, le bi nan ye bigiim, ki chuun pee ipiih, ni iŋoob aagban, ki jin falaa. Binib mu ŋa bi bakaa.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

Tibɔkpiirkaan 12:11

Upihbo Yesu aasin aapɔɔn pu ni waabɔr aapɔɔn pu le bi nyaŋ kinimbɔŋ. Bi gee Yesu ki jer baamɔfal, ki kii ke bi kpo u pu.