Daniel 3:27 - Uwumbɔr aagbaŋ

²⁷ Bisalolm, ni biyidam, ni butɔb aajab aaninkpiib, ni ubɔr aaninkpiib mɔmɔk nan kuun ni bi nan lik bijab bitaa, bi mmii ngbaan aa ŋman ki ŋa bi nibaa na. Biyikpir, ni baawanpeenkaan aa wun mmii, le biwon nibaa chee aa nu iŋmanyuu.

Daniel 3:27 ပူးပေါင်းရင်းမြစ်များ

1 Bibɔrb 13:28

le u siir buen ki ti kan ubɔnabr ngbaan kpo dɔ nsan ni, le ubon ni uchinn ngbaan beenin si gbɔk u. Uchinn ngbaan aa ŋman u ki mu aa ŋa ubon na nibaa.

2 Bibɔrb 19:19

Kina pu na, Tidindaan Uwumbɔr, gaa timi Asiria yaab ngbaan chee lii aan dulnyaa aatimbol mɔmɔk bee ke sin baanja le ye Uwumbɔr.”

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Daniel 3:21

Le bi buu bi iŋmin, bi beenin pee baawanpeenkaan—ŋibɔkul, ni tikpar, ni tiyikpupur, ni tiwan niken mɔmɔk—mee ŋa mmii sakpiin ngbaan ni.

Daniel 6:23

Ni nan mɔɔr ubɔr ni ti nyaŋ, le u bui ke bi daa nyan ni Daniel mbuu ngbaan ni. Le bi daa nyan ni u ki kan ke nibaa aa ŋa u; ba pu? u nan gaa kii ke Uwumbɔr ga nyan u.

Daniel 6:7

Timi bimɔk lik saanaan na, biyidam, ni butɔb aajab aaninkpiib, ni bi chuun manni bininkpiib bee na, ki di kpee bininkpiib bi gur na kii ke mpɔɔndaan siin nkaal aan ki cha mu li pɔɔ. Siin nkaal ke iwiin piitaa i choo na ponn ni, ubaa taa ki mee liwaal, bee Uwumbɔr ubaa, bee unibɔn ubaa chee tiwan see sin mpɔɔndaan baanja. Unii umɔk yii, ki bii nkaal ngbaan na kan, bi di u mee ŋa ichinn aabuu mu ni ichinn gbii na.

Matiu 10:30

Uwumbɔr nyi nimi aayikpir aakahm.

Lituln 26:26

Ubɔr Agripa nyi tibɔr ngbaan. Nima pu le m di lipobil len unimbiin ni, m nyi ke u nyi tibɔr timina, tibaa aa bɔr u. Tibɔr ngbaan nan ŋa binib aanimbil ni la.

Lituln 27:34

Ni pɔɔk nibaa ki ji pɔkaa man. Ni ga ter nimi, ni kan mpɔɔn. Nibaa aan ŋa unii ubaa do ponn ni.”

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.