Daniel 3:26 - Uwumbɔr aagbaŋ

²⁶ Kina pu na, Nebukadnesar nan buen mmii ngbaan aabuul aajaaleŋ chee ki ti yin ke, “Sadrak, Mesak, Abednego, Uwumbɔr u kaa kpa ŋeen aatɔ na aanaagbiib, nya ni man.” Libuul ngbaan ni, le bi nyan ni.

Daniel 3:26 ပူးပေါင်းရင်းမြစ်များ

Mpiin 14:18

Le Melkisedek u nan ye Salem aabɔr, ki ki ye Uwumbɔr u kaa kpa ŋeen aatɔ na aatotoor na, nan joo ni tijikaar, ni ŋisubil aadaan nan tii Abram,

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

Esra 5:11

“Bi nan gar timi ke, ‘Ti ye Uwumbɔr u naan paacham ni taab na aatutum la, le ki ki bi maa uma Uwumbɔr Aadichal li Israel yaab aabɔrkpaan ubaa nan puen maa n‑yaayoonn na.

Ilahn 66:12

Aa cha timi aadim taa taa ti pu; ti chuun mmii ni nwam ponn ni, le dandana ma aa joo ni timi nan kaan lifuur ponn ni.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Daniel 4:2

Li pel man maah kan lijinjiir ni iwaan aawan ni aan Uwumbɔr u kaa kpa ŋeen aatɔ na di kpiir mɔk mi na.

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Daniel 6:21

Le Daniel kii ke, “Uwumbɔr tii mpɔɔndaan limɔfal li fɔk na.

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Lituln 16:17

Le u paan ni ti ni Pɔɔl aapuwɔb, ki tar ke, “Bijab bimina le ye Uwumbɔr u kaa kpa ŋeen aatɔ na aanaagbiib. Bi tuk nimi naah ga ŋa pu ki ŋmar na.”

Lituln 16:37

Le Pɔɔl aa kii kina. U nan bui bitutum ngbaan, “Bibɔjirb ngbaan aah ŋa pu na, naa ŋan. Timi tibaa mu po ye Rom yaab la. Baa jin timi tibɔr, kaa kan timi aataani, le ki gbaa timi binib aanimbil ni, ki di timi laŋ kiyondiik ni. Baah ŋa timi Rom yaab kina na, naa ŋan. Dandana wee, bi ban ke ti li cha, ubaa taa li nyi. Taan kii kina. Cha bibɔjirb ngbaan bibaa dan nan nyan timi.”

Lituln 27:23

M ye Uwumbɔr aanii, le ki dooni u. Kinyeek na, le waatuun ubaa dan nan sil m chee,

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Josua 3:17

Binib ngbaan aah nan chuun kitikuun pu ki puur na, bitotoorb bi nan tu Uwumbɔr Aakaal Aadakaa na nan si limɔɔl ngbaan aakaasisik ni, kitikuun pu, le binib ngbaan mɔmɔk chuun ki ti puur doo.

Josua 4:10

Bitotoorb ngbaan nan si tu Uwumbɔr Aakaal Aadakaa ngbaan Jɔɔdann Aamɔɔl aakaasisik ni, le binib ngbaan ti ŋa Uwumbɔr aah bui ke bi ŋa pu na mɔmɔk doo kina. Kina le Moses nan bui Josua ke bi ŋa. Binib ngbaan nan ŋa mala mala le ki puur limɔɔl ngbaan.

Tibɔkpiirkaan 19:5

Le nneel nyan ni libɔrjal chee ki len ke, “Nimi bimɔk ye timi Aawumbɔr aatutum ki san u na, biwaatiib ni bipɔɔndam, ni mɔmɔk pak u man.”