Daniel 3:25 - Uwumbɔr aagbaŋ

²⁵ Le u ki baa bi ke, “Tɔ, ni ŋa kinye aan m waa bijab binaa chuun kpak mmii ngbaan ni? Iŋmin aa ki buu bi, le nibaa aa mɔk ke mmii seer bi; le unanar na ma naahn Uwumbɔr aatuun la.”

Daniel 3:25 ပူးပေါင်းရင်းမြစ်များ

Job Aagbaŋ 1:6

Nwiin mubaa daal le Uwumbɔr aatuuntiib dan ke bi nan di bibaa mɔk Uwumbɔr, le kinimbɔŋ mu ŋmal bi ponn ni.

Job Aagbaŋ 38:7

Liyaadaal ngbaan aachakpitaawoln iŋmabi nan kpaan ki gaa ilahn, le Uwumbɔr aatuuntiib tar mpɔɔn pu ni mpopiin.

Job Aagbaŋ 5:19

N‑yoonn n‑yoonn pam le u ga nyan si titotonn ni.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Jeremia 1:8

M ga li bi aa chee ki kii si. Taa san bi ijawaan. Min Uwumbɔr le len kina.”

Jeremia 15:21

M ga nyan si mbiindam, ni binib bi aabimbin pɔɔ na aaŋaal ni. Min Uwumbɔr le len kina.”

Daniel 3:18

Hali u yaa kaan ŋa kina kan, si mpɔɔndaan li nyi ke taan doon saawaal, kaan gbaan ki doon salmaa aawan ni aa naan siin na.”

Daniel 3:24

Nebukadnesar nan fii sil mala, waah kan iwaan aawan ni na pu, le ki baa waaninkpiib ke, “Taa ba buu bijab bitaa le ki di mee ŋa mmii sakpiin ngbaan ni ii?” Le bi gar u ke, “Een, mpɔɔndaan, ti ba ŋa kina la.”

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Daniel 6:23

Ni nan mɔɔr ubɔr ni ti nyaŋ, le u bui ke bi daa nyan ni Daniel mbuu ngbaan ni. Le bi daa nyan ni u ki kan ke nibaa aa ŋa u; ba pu? u nan gaa kii ke Uwumbɔr ga nyan u.

Tibɔnyaan ti Mak ŋmee ti na 16:18

bi ga chuu iwaa, le yaan ŋa bi nibaa. Bi yaa nyu liluul kan, laan ŋa bi nibaa. Bi ga di biŋaal paan bibum pu, le bi ga pɔɔk.”

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Lituln 28:5

Tɔ, Pɔɔl nan gbɔk uŋaal, le uwaa na lir mmii ni. Naa ŋa u nibaa.

Rom Yaab 1:4

Uwumbɔr nan fikr u nkun ni, le Waafuur Nyaan mɔk ke u ye uma Uwumbɔr Aajapɔɔn u kpa mpɔɔn na.

1 Piita 3:13

Tɔ, ninimbil yaa man lituln li ŋan na pu kan, ubaa ga ŋa nimi bakaa aa?