Daniel 3:20 - Uwumbɔr aagbaŋ

²⁰ le ki bui waajab bi kpa mpɔɔn sakpen na ke bi buu bijab bitaa ngbaan iŋmin ki di bi mee ŋa mmii mu gaal sakpen na ni.

Daniel 3:20 ပူးပေါင်းရင်းမြစ်များ

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 3:15

Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 3:19

Sadrak, ni Mesak, ni Abednego aah len kina na, le Nebukadnesar aaŋuul fii, le unimbil wɔb ŋa gbilngbiln. Kina pu le u cha waajab moo ŋa idɔ kpee mmii sakpiin ngbaan ni aan mu moo ton ki ti saa nfum mulole mu aah ti ton pu na;

Daniel 3:21

Le bi buu bi iŋmin, bi beenin pee baawanpeenkaan—ŋibɔkul, ni tikpar, ni tiyikpupur, ni tiwan niken mɔmɔk—mee ŋa mmii sakpiin ngbaan ni.

Lituln 16:23

Le bi gbaa bi pam, ki tur bi ti ŋa kiyondiik ni, ki tuk kiyondiik aaninkpel ke u li kii bi mbamɔm.

Lituln 16:25

Kinyetaasiik le Pɔɔl ni Sailas bi mee Uwumbɔr, ki gaa ilahn ki pak u. Le binaagbiib biken ka pel.