Daniel 3:19 - Uwumbɔr aagbaŋ

¹⁹ Sadrak, ni Mesak, ni Abednego aah len kina na, le Nebukadnesar aaŋuul fii, le unimbil wɔb ŋa gbilngbiln. Kina pu le u cha waajab moo ŋa idɔ kpee mmii sakpiin ngbaan ni aan mu moo ton ki ti saa nfum mulole mu aah ti ton pu na;

Daniel 3:19 ပူးပေါင်းရင်းမြစ်များ

Mpiin 31:2

Jakob nan ki kan ke uweeja Labann aa nan ki gee waabɔr ke waah nan gee u njan pu na.

Esta 3:5

Hamann aah bee ke Modekai aan gbaan ki pak u na, liŋuul nan chuu u pam;

Esta 7:7

Le ubɔr di liŋuul nyii fii, ki nyan kidiik ngbaan ni, ki nyan lipaal ki ti koo libɔrchiln ni. Hamann nan bee ke ubɔr ban u daa utafal tibɔr ngbaan pu la, le ki gaar puwɔb ke u gaŋ Ubɔrpii Esta aan u gaa waamɔfal lii.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ŋiyataŋak 16:14

Ulandaan pɔɔni ubaa ki tii ubɔr mpopiin la; ubɔr aaŋuul ga ŋmaa joo ni nkun.

Ŋiyataŋak 21:24

Mɔk mi kalmbaanidaan aan m mɔk si ke u ye nnimpoodaan, ni balaadaan, ni maa‑lik‑faar‑daan la.

Aisaya 51:23

M ga di falaa ngbaan tii binib bi muk nimi na la, binib bi nan cha ni doon titan ni, kitiŋ ponn ni na, aan bi taa taa ni pu ke naah ye titan le na, bima le ga ji falaa ngbaan.”

Daniel 2:12

Ubɔr aah ŋun kina na, le waaŋuul fii sakpen, le u siin ke bi ku waachiln ni aasusurb mɔmɔk Babiloŋ aatiŋ pu.

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Daniel 3:20

le ki bui waajab bi kpa mpɔɔn sakpen na ke bi buu bijab bitaa ngbaan iŋmin ki di bi mee ŋa mmii mu gaal sakpen na ni.

Daniel 5:6

Ijawaan nan chuu u, le uwon yɔl, le utaŋaayil gbaa.

Daniel 6:24

Le ubɔr bui ke bi chur binib bi mɔmɔk nan galn Daniel na, ki nan di bi mɔmɔk, ni bipuutiib, ni baabim mee ŋa mbuu ngbaan ni. Waahr aan bi ti lir mbuu ngbaan aataab na, ichinn ngbaan nan bib chur bi ki nyii kool baakpab.

Liifai Yaab 26:18

“Le nimina mɔmɔk yaa pii nimi, ni beenin yiil maamɔb kan, m ga kpee nimi aatafadaan nfum mulole pu.

Liifai Yaab 26:21

“Le ni yaa beenin yiil maamɔb kan, m ga ki kpee nimi aatafadaan nfum mulole pu,

Liifai Yaab 26:24

m ga fenn lir ni pu ki kpee nimi aatafadaan nfum mulole.

Liifai Yaab 26:28

min mbaa le ga lir ni pu, ki ki daa nitafal ki kpee nfum mulole pu mu ga li bir ki jer njan yaan na.

Lituln 5:33

Bibɔjirb aaninkpiib aah ŋun baah len pu na, le bi gee liŋuul sakpen, ki ban bi ku bi.

Lituln 7:54

Stiifen aah len kina na, le liŋuul chuu binib ngbaan, le bi ŋmɔ ŋinyin.