Daniel 3:15 - Uwumbɔr aagbaŋ

¹⁵ Dandana ma, ni yaa ki ŋun kakaan aawiil, ni ŋiwul, ni tibar, ni tiwangbaakaan ni gur na kan, ni gbaan ki doon tiwanaankaan ngbaan. Ni yaa kaa ŋa kina kan, bi ga kpaan di nimi mee ŋa mmii sakpiin na ni. Ni dak ke liwaal libaa ga ŋmaa gaa nimi lii ii?”

Daniel 3:15 ပူးပေါင်းရင်းမြစ်များ

2 Bibɔrb 18:35

Bayoonn ŋitingban ŋimina aawaa ŋman ki gaa ŋi Asiria aatiŋ aabɔrkpaan chee? Kina pu na, ba cha ni dak ke Uwumbɔr ga ŋmaa gaa Jerusalem ma lii?”

Nnyam 32:32

Uwumbɔr, di cha pinn bi baatunwanbir; aa yaa kaan ŋa kina kan, chuu ber maayimbil kigbaŋ ki aa ŋmee saanib aayimbil ki ponn ni na.”

Nnyam 5:2

Le ubɔr ngbaan baa bi ke, “Ŋma ye Uwumbɔr? U ye ŋma aan m pel waabɔr ki cha Israel yaab buen? Maa nyi Uwumbɔr. Maan cha Israel yaab nya buen.”

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 2:9

naah kan ke m ŋa nlandak ke ni yaa kaa ŋmaa tuk mi tidaŋ ngbaan kan, m ga tii ni mɔmɔk ntafadaan baan na, le cha ni ŋani kina. Ni kii tii tɔb ke ni li geei inyamɔn tuk mi ki mak ke ni yaa ti yunn kan, nibaakan m ga kpeln maalandak. Tuk mi tidaŋ ngbaan man aan m bee ke ni ga ŋmaa tuk mi taatataa mu.”

Daniel 3:17

Uwumbɔr u ti dooni u ki dii u na ga ŋmaa nyan timi mmii sakpiin ngbaan ni ki nyan timi saapɔɔn ni.

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Daniel 6:20

Waah ti fuu nima chee na, le u yin mala ke, “Daniel, Uwumbɔr u kpa limɔfal na aatutunn, Uwumbɔr u aa dii ni ibamɔn na ŋman ki gaa si lii ichinn ngbaan chee ee?”

Matiu 10:19

Bi yaa chuu nimi kan, ni taa baa nisui ni ke ni ga len kinye; n‑yoonn ngbaan yaa nan fuu ni kan, Uwumbɔr Aafuur Nyaan le ga tuk nimi naah ga len pu na;

Matiu 27:43

U gaa Uwumbɔr ki kii, ki bui ke u ye Uwumbɔr Aajapɔɔn. Uwumbɔr yaa ban u kan, cha u gaa u lii dandana.”

Tibɔnyaan ti Mak ŋmee ti na 13:11

Bi yaa chuu nimi, ki di buen bibɔjirb chee kan, ni taa puen dak nisui ni ke ni ga len kinye. N‑yoonn ngbaan yaa nan fuu ni kan, ni len Uwumbɔr aah ga tuk nimi pu na. Naa ye nimi le ga len. Uwumbɔr Aafuur Nyaan le ga len.

Tibɔnyaan ti Luk ŋmee ti na 12:11

“Bi yaa chuu nimi, ki di ŋa mmeen aadir ni, bee ntim aaninkpiib aanimbiin ni, bi ti ji nimi tibɔr kan, ni taa baa nisui ni ke ni ga len kinye aan ki nyan nibaa tibɔr ni.

Tibɔnyaan ti Luk ŋmee ti na 13:9

Libiln li choo na, bu yaa lun kan, ni ŋan. Bu yaa kaa lun kan, aa gaa bu lii.’”

Lituln 4:19

Le Piita ni Jɔnn bui bi, “Ti yaa kii nimi aamɔb, bee ti yaa kii Uwumbɔr aamɔb le kan, nilani ŋan Uwumbɔr chee? Ni dakl ki lik.

Lituln 5:29

Le Piita ni Yesu aakpambalb biken na bui bi, “Ni ye ke ti kii Uwumbɔr aamɔb la, naa ye binib aamɔb.

Lituln 6:15

Le bibɔjirb aaninkpiib mɔmɔk lik Stiifen ki kan ke unimbil wɔb wiin chain ke Uwumbɔr aatuun aanimbil wɔb na.