Daniel 3:12 - Uwumbɔr aagbaŋ

¹² Juu aanib bibaa bi, bima le aa tii bi mpɔɔn ke bi li lik Babiloŋ aapepel na, Sadrak, ni Mesak, ni Abednego, bima le yii mpɔɔndaan aamɔb. Baa dooni saawaal, kaa gbaani ki dooni salmaa aawanaankaan ni aa di siin na.”

Daniel 3:12 ပူးပေါင်းရင်းမြစ်များ

Esta 3:8

Le Hamann nan bui ubɔr ke, “Linibol libaa bi ki yaa ki bi saanaan aapepel mɔmɔk ponn ni. Baah joo ikaal i na ni biken aakaal aa kpaa. Ki ki kpee na, baa kii saanaan aakaal; kina pu na, saan li gee ke kina aanib li bi.

Ŋiyataŋak 27:4

Liŋuul aa ŋan ki ki ŋmaa bii tiwan mu, ki mu aa ŋmaa bii tiwan ki ti pii lipiipoln aah ga bii tiwan pu na.

Ulandaan 4:4

M nan ki bee naah ŋa pu aan binib nyani kitotoŋ sakpen ke bi li kpa na; nima le ye ke bi kpa biŋeen aatɔtiib pu lipiipoln. Tɔ, ni mu ye fam la. Ni bi ke unii aah san dii libuln pu na la.

Daniel 1:7

Ubɔr aaninkpiib aaninkpel ngbaan nan ki tii bi Babiloŋ yaab aayimbil ŋimina: U nan yin Daniel ke Beltesasar, ki yin Hanania ke Sadrak, ki yin Misael ke Mesak, ki yin Asaria ke Abednego.

Daniel 2:48

Le u tii Daniel tininkpir ti nyuun na, ki tii u ipiin i ŋan sakpen na pam, ki tii u mpɔɔn ke u li lik Babiloŋ aapepel mɔmɔk, ki cha u ye libɔrchiln ni aasusurb mɔmɔk aayidaan.

Daniel 2:49

Le Daniel cha u tii Sadrak, ni Mesak, ni Abednego mpɔɔn bi li lik Babiloŋ aapepel aatun mɔmɔk; le Daniel ma tee gaar libɔrchiln ni.

Daniel 3:11

ki ki len ke unii umɔk yii kaa gbaan ki doon ni na kan, bi di udaan mee ŋa mmii sakpiin na ni.

Daniel 3:16

Le Sadrak, ni Mesak, ni Abednego gar u ke, “Mpɔɔndaan, taan pɔɔn tibaa ke ti len tibɔr tibaa ki nyan tibaa tibɔr ni.

Daniel 3:29

“Le m siin nkaal dandana, ke litimbol, bee linibol, bee iliin imɔk aanib yaa len tibɔr ti kaa ŋan na Sadrak, ni Mesak, ni Abednego Aawumbɔr pu na kan, bi ga daa par par u, ki kuln udaan aadichal. Uwumbɔr uken aa ki bi ki ga ŋmaa gaa unii lii kina.”

Daniel 3:30

Le ubɔr nan moo kpee Sadrak, ni Mesak, ni Abednego tininkpir Babiloŋ aapepel ni.

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”

Daniel 6:14

Ubɔr aah ŋun kina na, usui nan bii pam, le u pɔɔk ubaa ke u kan nsan ki gaa Daniel lii. U nan bi pɔɔni ubaa ki ban kina aasan le nwiin ti lir.

Lituln 17:7

le Jasonn cha bi bi udo. Bi bii Ubɔrkpaan Siisa aakaal mɔmɔk ki len ke ubɔr uken bi, bi yin u ke Yesu.”

Lituln 5:28

“Ti tuk nimi ke ni taa ki tuk binib Yesu aabɔr, ki taa ki pur waayimbil. Le ni beenin mooni waabɔr Jerusalem mɔmɔk ni, ki len ke waasin bi tiŋaal ni la.”