Daniel 2:37 - Uwumbɔr aagbaŋ

³⁷ Mpɔɔndaan, sin le ye ubɔrkpaan u jer bibɔrb mɔmɔk na. Uwumbɔr u bi paacham na ŋa si ubɔrkpaan ki tii si kipak, ni mpɔɔn, ni liyimbil mu.

Daniel 2:37 ပူးပေါင်းရင်းမြစ်များ

1 Bibɔrb 4:24

Solomonn le nan joo kitiŋ ki bi Yufrates Aamɔɔl liwilir wɔb na, ki nyan Tifsa aatiŋ ki bi Yufrates aagbaan na, ki ti saa Gasa aatiŋ ki bi liwilir wɔb na. Bibɔrb bi mɔmɔk nan bi Yufrates aawilir wɔb na nan ye waatutum la, le u nan kpa nsuudoon ŋitimbol ŋi mann goln u na chee.

2 Bibɔrb 25:28

Efil‑Merodak nan san u kinimbaak ki tii u nsisii mu kpa kipak na ki jer bibɔrb bi mu nan bi Babiloŋ ni tinaagbiir ni na.

2 Bibɔrb Aabɔr 36:23

“Pesia aanaan Aabɔr Sairus le siin nkaal mue. Uwumbɔr u ye paacham Aadindaan na, uma le ŋa mi dulnyaa wee mɔmɔk aajojoor, le ki tii mi lituln ke m maa lidichal, Jerusalem aatiŋ ki bi Juda aatiŋ ni na tii u. Tɔ, ni mɔmɔk bi ye Uwumbɔr aanib na, li cha man nima, aan Nidindaan Uwumbɔr li bi ni chee.”

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Esra 7:12

“Kigbaŋ kee nyan ni ubɔrkpaan Ataksekes chee la, le ki cha Esra u ye utotoor, ni ugbanbae, u nyi Uwumbɔr u bi Paacham na Aakaal na chee.

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ŋiyataŋak 8:15

M ter bibɔrb le bi joo baanib, le ki ter biyidam le bi siini ikaal i ŋan na.

Aisaya 10:8

le ki puk kipupuk ke, “Maatɔb aajab aaninkpiib mɔmɔk kpaln bibɔrb la.

Aisaya 47:5

Uwumbɔr bui Babiloŋ aatiŋ ke, “Kal suuna mbɔmbɔɔn ni, ubaa aan ki yin si ke ŋitimbol mɔmɔk aapiibɔr.

Jeremia 28:14

Uwumbɔr Mpɔɔnsakpiindaan, u ye Israel yaab Aawumbɔr na bui ke u ga di tikur aadɔ kina le leen ŋitimbol ŋee aasil ki cha bi li tun tii Babiloŋ Aabɔr Nebukadnesar. Uwumbɔr ki len ke u ga cha ipeel mu tun tii Nebukadnesar.”

Jeremia 34:1

Buyoonn Babiloŋ Aabɔr Nebukadnesar ni waajab, ki di kpee ŋitimbol ni ŋinibol ŋi mɔmɔk nan bi u taab na aajab, nan bi tak Jerusalem ni ntim mu bi gbɔk ki na, le Uwumbɔr nan ki len m chee tibɔr.

Esekiel 26:7

Tidindaan Uwumbɔr ki len ke, “M ga joo ni Babiloŋ aabɔr Nebukadnesar u ye bibɔrb mɔmɔk aabɔrkpaan na, le u nan tak Taya aatiŋ. U ga di butɔb aajab bi wiir na nya ni ŋŋangan wɔb, le bi ga li kpa itaan, ni yaatɔroku tiib, ni bitandam.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 2:31

“Mpɔɔndaan, saadaŋ ngbaan ni, aa kan tiwan ni bi maa ni, ni fɔk ki gbei na si aanimbiin ni, ki moor lak lak, le aa yaa lik ni kan, ijawaan ga chuu si.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 4:19

Daniel, u bi ki yin u ke Beltesasar na, aah ŋun kina na, ijawaan nan chuu u sakpen, le waa ki ŋmaa len tibaa. Le ubɔr bui u ke, “Beltesasar, taa cha ijawaan chuu si, tidaŋ ngbaan pu.” Le Beltesasar gar u ke, “Mpɔɔndaan, m ba ga li gee sakpen ke tidaŋ timina ni taatataa li ye saadim yaan ki taa li ye sin yaan.

Daniel 4:25

Bi ga jenn nyan si binib chee, le aa ni ipeel ga ti li kpaan koo tɔb chee. Aa ga ŋmɔ timoor ke unaa na ki doo lipaal, nin chee limaln ga li lir aa pu na, ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na le kpa mpɔɔn unibɔn aanaan mɔmɔk pu, le ki ga ŋmaa di mu tii unii umɔk u gee na.

Daniel 4:3

Uwumbɔr aah joo iwaan aawan ni mɔk timi na nyaŋ a. Waah ŋani lijinjiir aawan ni na kpa mpɔɔn sakpen a. Uwumbɔr ga li ye ubɔr n‑yoonn mɔmɔk; u ga li joo binib n‑yoonn mɔmɔk.

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Daniel 5:18

“Uwumbɔr u kaa kpa ŋeen aatɔ na nan ŋa aate Nebukadnesar ubɔrkpaan, ki tii u liyimbil ni mpɔɔn.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Hosea 8:10

Le m ga kuun bi ki daa bitafal. Naan yunn le Asiria aabɔrkpaan ga di limukl pii bi, le bi ga lir ki biln kitiŋ iween pu.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Jɔnn 19:11

Le Yesu bui u, “Uwumbɔr yaa kaa tii si mpɔɔn kan, saan ŋmaa li kpa mpɔɔn ki ŋa mi nibaa. Nima pu na, unii u di mi ŋa aaŋaal ni na, waatunwanbir jer siyaan.”

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”

Tibɔkpiirkaan 4:11

“Tidindaan Uwumbɔr, si le ŋeer ke ti pak si, ki nyuŋ si, ki ŋeer aa li kpa mpɔɔn; ba pu? si le naan tiwan mɔmɔk. Saageehn pu le aa nan naan tiwan mɔmɔk. Saageehn pu le ni mɔmɔk bi.”

Tibɔkpiirkaan 5:12

Le m ŋun bi mɔmɔk len mpɔɔn pu ke, “Upihbo u bi nan kɔr u na le ŋeer u kan yiko, ni liwankpal, ni nlan, ni mpɔɔn, ni nnyuŋ, ni mpakm, ni idoon.”