Daniel 2:35 - Uwumbɔr aagbaŋ

³⁵ Libuul ngbaan ni le tikur, ni tiyakr, ni tikumann, ni tikunabr, ni salmaa na mɔmɔk wur lir kitiŋ yak yak, ki nan bol bol ke lipeel aapaal pu aatan na. Le libuln daa ni mɔmɔk buen, kaa gur nibaa. Le litakpal na ma filk ki ti ŋa lijool ki biin kitiŋ kee mɔmɔk pu.

Daniel 2:35 ပူးပေါင်းရင်းမြစ်များ

Job Aagbaŋ 6:17

le ntoton yaa fuu ni kan, ŋi wɔŋ, le mbufan foor ki dɔ nkuun.

Ilahn 103:16

libuln le daar mu pu, le ki di mu buen; le ubaa aan ki kan mu.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 37:10

Naan yunn le bibiindam ga wɔŋ; aa ga lik ban bi, ki mu aan kan bi;

Ilahn 37:36

Puwɔb le m nan ki jer nima le waa nan ki bi; m nan ban u le kaa ki kan u.

Ilahn 46:9

U cha butɔb door dulnyaa wee mɔmɔk ni; U kool itɔi, ki bii tikpaatunn, ki seer kijaak aapen mmii.

Ilahn 66:4

Unii umɔk bi kitiŋ kee pu na dooni si la; bi gaa ilahn ki pak si; bi gaa ilahn ki pak saayimbil.”

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 8:9

Nimi ŋitimbol mɔmɔk, kuun tɔb chee ijawaan pu man. Nimi bi bi dandar kitiŋ kee pu na, li pel man. Gor man nibaa ki kiir kijaak. Mbamɔn, gor man, ki tee li san ijawaan man.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Hosea 13:3

Kina pu le binib ngbaan ga wɔŋ ke kichakpiik ni aakpakpal na, ki wɔŋ ke limaln li wɔŋni kichakpiik ni na. Bi ga fii buen ke libuln aah daar kimook lipaal pu cha na la, ki naahn iŋmanyuu aah nya kidadiik aadipimoor ni pu na.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.

1 Korenti 15:25

ki ga li joo tiwan mɔmɔk ki nan saa buyoonn Uwumbɔr di waadim mɔmɔk ŋa utaapɔtan ni na.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 12:8

le ki nyaŋ bi, ki nyan bi paacham. Baa ki kan mpaan paacham. Kipeewanbiik ngbaan ye kinimbɔŋ la. Bi yin ki ke Uwaa u Yunn na, ki ki yin ki ke Defil, ki ki yin ki ke Sintana. Kima le ŋmanni dulnyaa aanib mɔmɔk. Bi nyan ki ni kaatuuntiib paacham, ki di lii ni kitiŋ.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.