Daniel 2:29 - Uwumbɔr aagbaŋ

²⁹ “Mpɔɔndaan aah dɔ geen na, aa daŋ tidaŋ ki kan n‑yoonn mu choo na aabɔr; le Uwumbɔr, u kpiir iwaan aawan mɔk binib na mɔk si tiwan ni ga ŋa na.

Daniel 2:29 ပူးပေါင်းရင်းမြစ်များ

Mpiin 41:25

Le Josef bui ubɔr ngbaan ke, “Tidaŋ tilee ngbaan aatataa ye tiwanbaan la. Uwumbɔr le bui si waah ban u ŋa tiwan ni na.

Esekiel 38:10

Tidindaan Uwumbɔr aah tuk ubɔr Gog pu na sɔ: “N‑yoonn ngbaan yaa nan fuu ni kan, aa ga piin ki bi dakl nlandak mu kaa ŋan na.

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 2:23

M pak ki nyuŋni si, n‑yaajatiib Aawumbɔr. Sin le tii mi nlan ni mpɔɔn; aa kii maameel, ki mɔk timi taah ga ti bui ubɔr pu na.”

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.