Daniel 2:28 - Uwumbɔr aagbaŋ

²⁸ Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Daniel 2:28 ပူးပေါင်းရင်းမြစ်များ

Mpiin 40:8

Le bimɔk bilee giin bui u ke, “Kinyeek na le timɔk bilee daŋ tidaŋ, le taa nyi unii u ga ŋmaa nabr taatataa tii timi na.” Le Josef bui bi ke, “Ni ye Uwumbɔr le tii unii nlan le u ŋmaa nabr tidaŋ aatataa. Nima pu na, bui mi tidaŋ ngbaan man.”

Mpiin 41:16

Le Josef bui u ke, “Ubɔrkpaan, maan ŋman. Uwumbɔr le ga cha m nabr ti mbamɔm.”

Mpiin 41:25

Le Josef bui ubɔr ngbaan ke, “Tidaŋ tilee ngbaan aatataa ye tiwanbaan la. Uwumbɔr le bui si waah ban u ŋa tiwan ni na.

Mpiin 49:1

Jakob nan yin ujapɔtiib ki bui ke, “Tiŋ ni, ki mann goln mi man, aan m tuk nimi tiwan ni choo ni pu ki ga nan ŋa na.

Ilahn 115:3

Timi Aawumbɔr bi paacham la; u ŋani waah gee pu na.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Jeremia 48:47

N‑yoonn mu choo na, Uwumbɔr ga nan ki tii Moab nkam. Uwumbɔr aah len ke tiwan ni mɔmɔk ga ŋa Moab aatiŋ na le na.

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 2:18

U nan bui bi ke bi mee Uwumbɔr u bi paacham na aan u san bi kinimbaak, ki mee u ke u kpiir tidaŋ ngbaan aatataa, aan bi taa ku bi ni Babiloŋ aasusurb biken na.

Daniel 2:22

U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 4:5

Le m nan daŋ tidaŋ ki kan ijawaan aawan nibaa tidaŋ ngbaan ponn ni buyoonn m dɔ geen na.

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Nkahm 24:14

Balaam nan ki bui Balak ke, “Dandana wee, m ban m gir kun ndo yaab chee la; waahr aan m gir buen na, cha m sur si, ki tuk si Israel yaab aah ga nan ŋa saanib pu, n‑yoonn mu choo na.”

Matiu 6:9

Ni yaa mee Uwumbɔr kan, bui ke, ‘Tite Uwumbɔr u bi paacham na, cha binib li san saayimbil.

Ikaal 31:19

“Dandana wee, ŋmee nlahn mue ŋa kigbaŋ ni. Di mu mɔk Israel aanib, aan mu li ye seeraa ki tii bi.

Ikaal 4:30

N‑yoonn mu ni ti kan limukl, aan tiwanbir ngbaan mɔmɔk pii nimi na, le ni ga fenn ban Uwumbɔr ki kii tii u.

2 Timoti 3:1

Tɔ, aa li nyi ke n‑yoonn mu choo na ga li ye falaa aayoonn la.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

2 Piita 3:3

Njan, m ban ke ni li nyi ke binib bi dii bisui aah ban pu na ga li bi kookoo aayoonn, ki ga ŋa nimi mbɔnyun,

Tibɔkpiirkaan 1:1

Tibɔr tee le Uwumbɔr nan tuk Yesu Kristo ke u nan kpiir tuk waatutum. Ti ye tibɔr ti ga ŋa woween na la. Le Yesu nan tun waatuun ke u buen waatutunn Jɔnn chee ki ti tuk u tibɔr ngbaan.