Daniel 2:25 - Uwumbɔr aagbaŋ

²⁵ Le Ariok fii mala ki di Daniel buen ubɔr Nebukadnesar aanimbiin ni, ki ti bui u ke, “M kan Juu aanaagbiib na ubaa, u ga ŋmaa tuk mpɔɔndaan saadaŋ ngbaan aatataa na.”

Daniel 2:25 ပူးပေါင်းရင်းမြစ်များ

Mpiin 41:14

Le ubɔr yin ni Josef, le bi nyan ni u kiyondiik ni mala. Le bi kuu u tiyikpir, ki kpeln waawanpeenkaan mu, le u nin dan ubɔr chee.

Nehemia 7:6

Baah nan chuu bi buen tinaagbiir ni na pam le nan nyan ni Babiloŋ ki gir ni Jerusalem, ni Juda aatiŋ pu, bi mɔmɔk nan kun baatiyil ponn ni. Baamaal nan koo Babiloŋ ni buyoonn ubɔrkpaan Nebukadnesar nan chur bi tinaagbiir ki di buen nima na la.

Ŋiyataŋak 24:11

Unii yaa kaa tun taani aan bi ban bi ku u kan, ŋa mala ki ti gaa u lii.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Daniel 1:6

Daniel, ni Hanania, ni Misael, ni Asaria, bi mɔmɔk nan ye Juda aanib na, nan ŋmal baah nyan binachipɔm bi na ponn ni.

Daniel 5:13

Libuul ngbaan ni le bi nan ti joo ni Daniel ubɔr aanimbiin ni, le ubɔr baa u ke, “Sin le ye Daniel, unaagbiija u nte ubɔr nan joo ni si ki nyan ni Juda aatiŋ ni na aa?

Daniel 6:13

Le bi bui ubɔr ke, “Unaagbiija Daniel, u nyan ni Juda aatiŋ ni na aa pak mpɔɔndaan, kaa dii saah siin nkaal mu na. U mee Uwumbɔr nfum mutaa nwiin mubaa n‑yoonn mɔmɔk la.”