Daniel 2:22 - Uwumbɔr aagbaŋ

²² U kpiir tiwan ni bɔr ki nyoo na; u nyi nimɔk bɔr mbɔmbɔɔn ni na; le nwiihn mann goln uma ubaa.

Daniel 2:22 ပူးပေါင်းရင်းမြစ်များ

Mpiin 41:16

Le Josef bui u ke, “Ubɔrkpaan, maan ŋman. Uwumbɔr le ga cha m nabr ti mbamɔm.”

Job Aagbaŋ 12:22

U cha nwiihn chaa ŋibuu ŋi ponn ni bɔɔn ke nkun na.

Job Aagbaŋ 26:6

Kitekpiitiŋ dɔ waa chain Uwumbɔr chee la; libiil libaa aa duŋ ki u chee.

Ilahn 104:2

aa ye nwiihn ŋmeen la. Aa taln paacham ke likekeln na la,

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Ilahn 36:9

Sin chee le limɔfal mɔmɔk nya ni, le saawiihn cha ti waa nwiihn.

Ulandaan 8:1

Ulandaan baanja le nyi tiwan aatataa aah ye pu na. Nlan cha u laa limɔmumukl ki cha unimbil wiin.

Aisaya 41:22

Dan do ki nan buu tibɔɔr ki len budabu ga ŋa na, aan ni yaa nan ŋa kan, ti li nyi. Bui bibɔjirb tiwan ni nan ŋa n‑yoonn mu jer na man, ki tuk timi naatataa.

Aisaya 41:26

Ni ponn ni ŋma nan buu tibɔɔr ki len ke nimina ga ŋa, aan ti bui ke ni kpa mbamɔn? Ni ponn ni ubaa aa nan waar umɔb ki len libɔbil libaa; ubaa aa ŋun ni len tibaa.

Aisaya 42:9

Maah nan bui ke tiwan nimɔk ga ŋa na gbiin kina. Dandana m ga bui si tiwapɔnn ni ga ŋa na waahr aan ni nin piin ki bi ŋani.”

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Daniel 2:11

Mpɔɔndaan aah ban u bee tiwan ni na pɔɔ sakpen a, le unibɔn ubaa aan ŋmaa ŋa kina see ŋiwaa, ŋi mu aa koo binibɔm chee na.”

Daniel 2:19

Kinyeek ngbaan le Uwumbɔr kpiir tidaŋ ngbaan mɔk Daniel tidaŋ ponn ni; le u pak Uwumbɔr u bi paacham na ke:

Daniel 2:47

Ubɔrkpaan nan ki bui ke, “Saawumbɔr le ye Uwumbɔrkpaan ki jer ŋiwaa mɔmɔk, u ye bibɔrb Aadindaan, ki ye u kpiir iwaan aawan mɔk binib na. Saah kpiir iwaan aawan nimina mɔk mi na le cha m bee kina.”

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Daniel 5:14

M ŋun aa pu ke Uwumbɔr u bi chain na Aafuur Nyaan bi aa chee, le aa kpa nlan ki nyi tiwan sakpen.

Matiu 13:13

Kinipaak ngbaan lik, kaa waa, ki pel kaa ŋun, kaa bee maaliin aatataa. Nima le cha m ŋak bi ŋiyataŋak.

Jɔnn 1:9

Nwiihn ngbaan le ye nwiihn bamɔnn, le ki dan dulnyaa wee ni ki nan woln binib mɔmɔk aanimbil.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

Jɔnn 8:12

Yesu nan ki len kinipaak ngbaan chee ki bui bi, “Min le ye dulnyaa ni aawiihn ki wolni binib aanimbil. Unii umɔk dii mi na aan li bi mbɔmbɔɔn ni. U ga li kpa limɔfal, ki ga li bi nwiihn ni.”

1 Korenti 4:5

Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

Efesusi 3:5

Uwumbɔr aa nan kpiir tibɔbɔrkaan ngbaan mɔk n‑yaayoonn na aanib. Dandana wee le Waafuur Nyaan kpiir ti, ki mɔk Yesu aakpambalb ni waabɔnabtiib bi bi chain na.

Ikaal 29:28

Uwumbɔr aaŋuul nan fii bi pu sakpen, le liŋuusakpeln ngbaan ponn ni, u chuu nyan bi baatiŋ ni, ki di bi buen biwɔwɔm aatim ni, le bi bi nima chee din wee.’

1 Timoti 6:16

Uma baanja le ye limɔfal li kaa kpa ndoon na Aadindaan. U bi nwiihn ni la. Ubaa aan ŋmaa duun mu ni. Ubaa aanimbil aa kee kan u. Ubaa mu aan ŋmaa kan u. Cha binib mɔmɔk nyuŋ u, ki kii waamɔb n‑yoonn mu kaa kpa ndoon na. Amii.

Hiibru Yaab 4:13

Tiwan nibaa aa bi ki bɔr Uwumbɔr. Tibɔr mɔmɔk nyan ki dɔ mpaan pu, ki dɔ tiŋmeen unimbil ni. Uma le ti ga len timi aabɔr ki tuk u.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

1 Jɔnn 1:5

Ti nan ŋun tibɔr timina Yesu chee la, le ki tuk nimi. Tibɔr ngbaan le ye ke Uwumbɔr ye nwiihn la. Mbɔmbɔɔn mubaa aa bi u chee.