Daniel 2:21 - Uwumbɔr aagbaŋ

²¹ Uma le joo n‑yoonn, ni tiwan nimɔk bi na; u kaani bibɔrb ki nyani bibɔrb; ni ye uma le tii nlan ni mbeem.

Daniel 2:21 ပူးပေါင်းရင်းမြစ်များ

1 Bibɔrb 10:24

le dulnyaa aanib mɔmɔk nan ban ke bi li choo u chee ki nan pel nlan mu Uwumbɔr di tii u na aabɔr.

1 Bibɔrb 3:28

Israel aanib aah ŋun Solomonn aah nan siin pu na, le bisui nan gbiin kipak u pu, ba pu? bi nan bee ke Uwumbɔr tii u nlan ke u li joo ji tibɔr ibamɔn ni.

1 Bibɔrb 4:29

Uwumbɔr nan tii Solomonn nlan, ni inimbiwoln i ubaa aa nyi na, ni ichiin i unii aan ŋmaa ŋaŋ na.

1 Bibɔrb Aabɔr 22:12

Tidindaan Uwumbɔr tii si nlan ni mbaem mu aa ga di joo Israel aanib, waakaal aah mɔk pu na.

1 Bibɔrb Aabɔr 29:30

Tibɔr ngbaan tuk timi waah nan ye ubɔr pu na, ni waah nan kpa mpɔɔn pu na, ni tiwan ni ŋa u na, ni tiwan ni ŋa Israel aatimbol, ni nnaan mu nan mann goln u na la.

Esta 1:13

Tibɔr timina aaboln yaa nan ti dan kan, see ubɔr baa waaninkpiib bi sur u na, le ki nin ŋa waah ban pu na, kina pu le u nan yin ni bisusurb ngbaan, bima le ga nan bee waah ga ŋa pu na.

Job Aagbaŋ 12:18

U nyani bibɔrb nnaan ni ki joo bi ŋani tiyondir ni;

Nnyam 31:3

le ki gbiin u min Uwumbɔr aapɔɔn. M cha u kpa ŋuntii, ki kpa nlan ki nyi tiwan mɔmɔk aatuln,

Nnyam 31:6

M ki nyan Ahisamak aajapɔɔn u bi yin u ke Oholiab, ki nyan ni Dann aanibol ni na, ke u ter u. M ki tii binib bi mu nyi tiwan mɔmɔk aatuln na nlan, ke bi ŋmaa ŋa tiwan ni mɔmɔk m tuk bi ke bi ŋa na.

Daniel 1:17

Uwumbɔr nan tii binachipɔm binaa ngbaan nlan, ni ichiin, ni laasaab. U nan ki kpee Daniel nlan mu ga cha u bee tidaŋ ni tibɔkpiirkaan aatataa na.

Daniel 10:1

Sairus aah nan ye Pesia aabɔrkpaan buyoonn na aabitatar ponn ni, le Uwumbɔr nan kpiir tibɔr tee tuk Daniel, u bi ki yin u ke Beltesasar na. Tibɔr ngbaan nan ye tibɔbamɔnn la, le ti mu aatataa nan pɔɔ pam ke unii bee ti. Tidaŋ ponn ni le Uwumbɔr nan kpiir taatataa tuk u.

Daniel 11:6

Ŋibin ŋibaa aapuwɔb le Ijipt aabɔr ngbaan ga buen ti ŋa kimɔbaan Siria aabɔr chee, ki ga di ubisal tii u. Kimɔbaan ngbaan mu aan yunn, le bi ga ku upii ngbaan ni uchal, ni ute, ni binaagbiib bi nan dii u nyan ni ute do na, ni unii u sil upuwɔb na.

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Daniel 2:23

M pak ki nyuŋni si, n‑yaajatiib Aawumbɔr. Sin le tii mi nlan ni mpɔɔn; aa kii maameel, ki mɔk timi taah ga ti bui ubɔr pu na.”

Daniel 2:9

naah kan ke m ŋa nlandak ke ni yaa kaa ŋmaa tuk mi tidaŋ ngbaan kan, m ga tii ni mɔmɔk ntafadaan baan na, le cha ni ŋani kina. Ni kii tii tɔb ke ni li geei inyamɔn tuk mi ki mak ke ni yaa ti yunn kan, nibaakan m ga kpeln maalandak. Tuk mi tidaŋ ngbaan man aan m bee ke ni ga ŋmaa tuk mi taatataa mu.”

Daniel 4:14

U nan teen mpɔɔn pu ki len ke, ‘Chuu gaa busub ngbaan lii man, ki gaa gii bu aabon; ki per bu aafar ki cha bu aasubil yaa. Jenn ipeel ngbaan bu taab ki fiin inyoon ngbaan bu aabon pu man.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:32

Bi ga jenn nyan si binib chee, le aa ni ipeel le ga li kpaan koo tɔb chee, le aa li ŋmɔ timoor ke unaa na ki ti saa ŋibin ŋilole. N‑yoonn ngbaan le aa ga tii naadii ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga di mu tii unii umɔk u gee u na.”

Daniel 7:25

U ga sii Uwumbɔr u kaa kpa ŋeen aatɔ na, ki muk uma Uwumbɔr waanib. U ga pɔɔn ubaa ke u kpeln baah dii isan i na, ni baajim aakuun mu, le Uwumbɔr aanib ga li bi waapɔɔn ni ki ti saa ŋibin ŋitaa ni ligeln.

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Rom Yaab 13:1

Ni ŋan ke binib mɔmɔk li keei baatiŋ aayidam aamɔb. Uyidaan ubaa aa bi ubaa pu see Uwumbɔr le cha u bi. Biyidam bi bi na, Uwumbɔr le nyan bi siin.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”