Daniel 2:20 - Uwumbɔr aagbaŋ

²⁰ “Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Daniel 2:20 ပူးပေါင်းရင်းမြစ်များ

Mpiin 14:20

Uwumbɔr u kaa kpa ŋeen aatɔ, ki cha aa nyaŋ saadim na, kan kipak.” Le Abram nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek.

1 Bibɔrb 8:56

“Pak Uwumbɔr u tii waanib nsuudoon, waah nan puu ke u ga ŋa pu na. U joo tiŋann aapuur ti u nan puu tii waatutunn Moses timi pu na.

1 Bibɔrb Aabɔr 29:20

David nan bui binib ngbaan ke, “Pak Nidindaan Uwumbɔr man.” Le binib bi mɔmɔk kuun nima na pak Uwumbɔr, u ye biyaajatiib Aawumbɔr na, le ki gbaan kitiŋ ki nyuŋ uma Uwumbɔr, ni ubɔr mu.

2 Bibɔrb Aabɔr 20:21

U ni binib ngbaan aah nan kpokl tibɔr na aapuwɔb, le u cha bilahngaab di baawanpeenkaan ni bi joo peeni iwinyaan daal na peen, ki loln butɔb aajab pu nsan, ki gaa nlahn ke, “Pak Uwumbɔr man. Waageehm aa kpa ndoon.”

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 113:1

Pak Uwumbɔr man. Nimi Uwumbɔr aatutum, pak waayimbil man.

Ilahn 113:2

Bi li pak waayimbil n‑yoonn mɔmɔk.

Ilahn 115:18

le timi bi fu na ma ga di idoon tii u; ti ga doon u dandana ni n‑yoonn mɔmɔk. Pak Uwumbɔr man.

Ilahn 147:5

Tidindaan ye Mpɔɔnsakpiindaan la; ubaa aa nyi waalan aah ti saa pu na.

Ilahn 41:13

Pak timi Israel yaab Aadindaan Uwumbɔr man. Li pak u man dandana, ni n‑yoonn mu kaa kpa ndoon na. Amii amii.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Ilahn 62:11

M ŋun ni jer nfum mubaa Uwumbɔr len ke mpɔɔn ye uyaan la,

Ŋiyataŋak 8:14

M ŋani laasaab waahr le ki tun maatuln. M kpa ichiin, le ki pɔɔ.

Jeremia 32:19

Aa dak ilandak nyaan ki tun ŋitukpaan; aa kani binib aah ŋani tiwan ni mɔmɔk na, le ki pa bi baatun aah ŋeer pu na.

Esekiel 28:3

Aa dak ke aa kpa nlan jer Danel, le tiwanbɔrkaan nibaa aan ŋmaa bɔr si.

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.

Tibɔkpiirkaan 5:12

Le m ŋun bi mɔmɔk len mpɔɔn pu ke, “Upihbo u bi nan kɔr u na le ŋeer u kan yiko, ni liwankpal, ni nlan, ni mpɔɔn, ni nnyuŋ, ni mpakm, ni idoon.”