Daniel 2:12 - Uwumbɔr aagbaŋ

¹² Ubɔr aah ŋun kina na, le waaŋuul fii sakpen, le u siin ke bi ku waachiln ni aasusurb mɔmɔk Babiloŋ aatiŋ pu.

Daniel 2:12 ပူးပေါင်းရင်းမြစ်များ

Job Aagbaŋ 5:2

Aa yaa ka dak ke ubaa aatafal aa bi aa ni ki ti kpo kan, ni ye kijɔrk, ni maa‑kpa‑lan aawan le ke unii ŋa.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ŋiyataŋak 16:14

Ulandaan pɔɔni ubaa ki tii ubɔr mpopiin la; ubɔr aaŋuul ga ŋmaa joo ni nkun.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 20:2

Li san ubɔr u aaŋuul fii na ijawaan, ke saah ga li san uchinn u bi ŋuuni na ijawaan pu na; aa yaa fiin waaŋuul kan, aa pɔ tee ku aabaa.

Ŋiyataŋak 29:22

Binib bi aasui fiir yɔl yɔl na ban kijaak ni tibɔr n‑yoonn mɔmɔk la.

Daniel 2:24

Le Daniel buen Ariok, u ubɔr nan bui u ke u ku libɔrchiln ni aasusurb na, le ki ti bui u ke, “Taa ku bi. Di mi buen ubɔr chee, aan m ti tuk u waadaŋ ngbaan aatataa.”

Daniel 2:5

Le ubɔr ngbaan ki bui bi ke, “M ŋa nlandak ke nimi le ga tuk mi tidaŋ ngbaan aah ye pu na, ni taatataa mu. Ni yaa kaa ŋman kan, m ga cha bi daa par par nimi ki kuln nimi aadichal mu.

Daniel 3:13

Ubɔr aah ŋun kina na, le waaŋuul fii ki ti nyaŋ, le u bui ke bi li joo ni bijab bitaa ngbaan unimbiin ni.

Daniel 3:19

Sadrak, ni Mesak, ni Abednego aah len kina na, le Nebukadnesar aaŋuul fii, le unimbil wɔb ŋa gbilngbiln. Kina pu le u cha waajab moo ŋa idɔ kpee mmii sakpiin ngbaan ni aan mu moo ton ki ti saa nfum mulole mu aah ti ton pu na;

Daniel 5:19

Waah nan kpa mpɔɔn sakpen pu na, ŋitimbol mɔmɔk, ni ŋinibol mɔmɔk, ni iliin mɔmɔk aanib nan san u ijawaan ki jii unimbiin ni. U yaa nan ban u ku unii u na kan, u ŋani kina la; le u yaa ban unii li kpa limɔfal kan, u cha u bi la. U nan nyuŋni ki jinni binib inimɔɔn waah gee pu na la.

Matiu 2:16

Le Herod bee ke bilankpalb ngbaan ŋmann u la. Le u gee liŋuul sakpen, ki cha waajab ku mbijabim bi mɔmɔk ye ŋibin ŋilee aabim, ni bi mu kaa fuu kina na, ki bi Betlehem, ni Betlehem aatingbaan ni na. U nan baa bilankpalb ngbaan ke bi kan liŋmabil ngbaan bayoonn. Nima le cha u bee Yesu aabin aah saa pu na.

Matiu 5:22

Min le tuk nimi ke unii umɔk gee liŋuul una aabo pu na, bi ga ji u tibɔr. Unii umɔk tuk una aabo, ‘Saa bi tibɔr tibaa ni,’ bibɔjirb aaninkpiib ga ji u tibɔr. Unii umɔk tuk una aabo ke, ‘Si ujɔr’ na, u ŋeer u koo mmii mu kaan junn na ni.