Daniel 2:11 - Uwumbɔr aagbaŋ

¹¹ Mpɔɔndaan aah ban u bee tiwan ni na pɔɔ sakpen a, le unibɔn ubaa aan ŋmaa ŋa kina see ŋiwaa, ŋi mu aa koo binibɔm chee na.”

Daniel 2:11 ပူးပေါင်းရင်းမြစ်များ

Mpiin 41:39

Le ubɔr bui Josef ke, “Uwumbɔr le mɔk si tiwan mɔmɔk, nima pu na, sin le ga li kpa nlan ni nnyim ki jer unii mɔmɔk.

Mpiin 41:8

Le ni woln kichakpiik ni, le tidaŋ ngbaan aabɔr bii usui, naa mɔ u, nima pu le u nan cha bi yin ni bilandam, ni binib bi ŋani lijinjiir aawan na mɔmɔk, le ki bui bi waadaŋ ngbaan aabɔr. Bi ponn ni ubaa mu aa ŋman nabr ti tuk u.

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

2 Bibɔrb Aabɔr 6:18

“Tɔ, sin Uwumbɔr ga ŋmaa koo taab do, binib aakaasisik ni ii? Hali paacham aah waa sakpen pu na, naa waa ki ŋeer saakokoon yaan. Kina pu na, lidichal limina par ke aa li koo li ponn ni.

Ilahn 132:14

u len ke, “Do le m ga li bi n‑yoonn mɔmɔk, do le m ban ke m li joo maanib.

Ilahn 68:18

U joo binaagbiib pam ki chaa paacham; u gaal ipiin binib bi yii waamɔb na chee. Tidindaan Uwumbɔr le ga li bi nima.

Nnyam 29:45

M ga li bi maanib Israel yaab chee, ki li ye Baawumbɔr,

Nnyam 8:19

le binyɔkdam ngbaan bui ubɔr ke, “Uwumbɔr le ŋa kina.” Tɔ, hali Uwumbɔr aah ŋa lijinjiir aawan nimina mɔmɔk na, ubɔr ngbaan nan moo pɔɔk usui, le ni gbiin Uwumbɔr aah nan tuk Moses ni Aaronn pu na.

Aisaya 47:12

Li joo saanyɔk mɔmɔk, ki chaa bibɔɔb chee; saah fii ubo pu na le aa nan ŋani kina. Nibaakan, ni ga ŋmaa ter si siib; nibaakan, aa ga ŋmaa faan saadim.

Aisaya 57:15

“Min le ye paacham Aawumbɔr u bi chain ki bi n‑yoonn mɔmɔk na. M bi nin chee paa ki bi chain na la, le ki mu ki bi binib bi sunn bibaa taab aan bisui bii buyoonn bi bee ke bi tun titunwanbir na chee, ki ga pɔɔk bitaakpab ki sɔŋ bisui.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Daniel 4:4

“M nan koo maabɔrdichal ni mpopiin ni, ki kani tinyoor ti wiir na aamɔɔn.

Daniel 5:11

Uja ubaa bi saanaan ni ki kpa Uwumbɔr u bi chain na Aafuur Nyaan u ni. Aate aah nan ye ubɔr pu na, uja ngbaan nan mɔk waalan, ni ichiin ki kpa nlan ke ŋiwaa na. Le Ubɔrkpaan Nebukadnesar nan di u ŋa bibɔɔb, ni binib bimɔk joo inyɔk tun iwaan aatuln na aayidaan.

Nkahm 35:34

Nima pu na, ni taa bii kitiŋ ki ni koo ki ponn ni na, ba pu? min le ye Uwumbɔr, ki bi nimi Israel yaab chee.”

Matiu 19:26

Le Yesu lik bi le ki bui bi, “Ni pɔɔ binib le chee. Nibaa aa pɔɔ Uwumbɔr chee.”

Jɔnn 1:14

Baah yin u ke Limɔboln na nan kpaln unibɔn, ki nan bi tikaasisik ni. U gee binib chob, ki len ibamɔn baanja la. Le ti kan waah kpa mpɔɔn pu na. Waah ye Uwumbɔr Aajapɔnbaal na, u kpa mpɔɔn ke Ute Uwumbɔr aah kpa pu na.

Jɔnn 14:17

Uma le ye Uwumbɔr Aafuur Nyaan mu ye mbamɔn na. Dulnyaa aanib aa ŋmaa gaa mu; ba pu? baa waa mu, ki mu aa nyi mu. Nimi le nyi mu; ba pu? mu bi ni chee, ki ga li bi ni ni.

Jɔnn 14:23

Le Yesu bui u, “Unii yaa gee mi kan, u ga kii maaliin, le Nte Uwumbɔr ga li gee u, le ti ga dan u chee, ki ga li bi u chee.

2 Korenti 6:16

Uwumbɔr aadiik ni ŋiwaa kpaan aa? Naa kpaan. Timi le ye Uwumbɔr u ye limɔfadaan na aadiik. Uma ubaa le nan len ke, “M ga li bi maanib aasui ni, ki chuun bikaasisik ni. M ga li ye Baawumbɔr, bi mu ga li ye maanib.”

Tibɔkpiirkaan 21:3

Le m ŋun nneel sakpiin libɔrjal ngbaan chee len ke, “Lik, Uwumbɔr do bi binib chee, le u ga li bi bi chee. Bi ga li ye waanib. Uma ubaa ga li bi bi chee ki ga li ye Baawumbɔr,