Daniel 2:10 - Uwumbɔr aagbaŋ

¹⁰ Le bisusurb ngbaan ki gar u ke, “Unii ubaa aa bi kitiŋ kee pu ki ga ŋmaa tuk mpɔɔndaan saah ban aa bee tiwan ni na. Ubɔr ubaa aa bi, hali ubɔr u kpa mpɔɔn sakpen na ubaa aa kee tuk waabɔɔb, ni bimɔk joo inyɔk tun iwaan aatuln na kina aabɔr aaboln.

Daniel 2:10 ပူးပေါင်းရင်းမြစ်များ

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Daniel 2:2

le ki tun ke bi yin ni waabɔɔb, ni binib bimɔk joo inyɔk tun iwaan aatuln na ke bi dan ki nan kpiir tidaŋ ngbaan aatataa aah ye pu na tuk u. Baah fuu ni ki nan sil unimbiin ni na,

Daniel 2:27

Le Daniel bui ke, “Mpɔɔndaan, unyɔkdaan u joo inyɔk tun iwaan aatuln na ubaa aa bi, ubɔɔ ubaa mu aa bi ki ga ŋmaa tuk si kina.

Daniel 3:8

N‑yoonn mumina le Babiloŋ aanib bibaa nan kan nsan ke bi bii Juu yaab ngbaan.

Daniel 4:7

Le bibɔɔb, ni binib bimɔk joo inyɔk tun iwaan aatuln na mɔmɔk nan dan, le m nan tuk bi tidaŋ ngbaan, le baa nan ŋmaa kpiir taatataa mɔk mi.