Daniel 12:8 - Uwumbɔr aagbaŋ

⁸ M ŋun waah len pu na, ki mu aa bee taatataa. Le m baa ke, “Tɔ, maaninkpel, ni mɔmɔk ga doo kinye?”

Daniel 12:8 ပူးပေါင်းရင်းမြစ်များ

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 12:6

Le ubaa baa Uwumbɔr aatuun mu si dandar limɔɔl aapaacham na ke, “Ni ga yunn kinye aan iwaan aawan nimina doo?”

Daniel 12:7

Le Uwumbɔr aatuun ngbaan yoor uŋaal ilee paacham; le m ŋun u puu tipuur Uwumbɔr u bi n‑yoonn mɔmɔk na aayimbil pu ki len ke, “Ni ga li ye ŋibin ŋitaa ni ligeln la. Buyoonn Uwumbɔr aanib aapɔɔn ga kuln na, le tiwan nee mɔmɔk ga ŋa doo.”

Daniel 12:9

Le u kii ke, “Daniel, li cha n‑yoonn mue; ba pu? tibɔr timina ye tibɔbɔrkaan la, ki ga li bɔr ki ti saa ndoon aayoonn.

Daniel 8:13

Le m ŋun Uwumbɔr aatuuntiib ubaa baa uken ke, “Tiwan ni bi tidaŋ ngbaan ponn ni na ga yunn kinye? Titunwanbir ti gaa iwiin mɔmɔk aatork na ga yunn ki ti saa kinye? Baah taar paacham aaŋmabi ni Uwumbɔr Aadichal pu pu na ga yunn ki ti saa kinye?”

Tibɔnyaan ti Luk ŋmee ti na 18:34

Le baa bee iliin imina aatataa. Uwumbɔr le bɔr yaatataa. Nima le baa bee waah len pu na aatataa.

Jɔnn 12:16

Kinipaak ngbaan aah tooh Yesu nsan pu kina na, n‑yoonn ngbaan le waadidiliib aa bee naatataa. Uwumbɔr aah yoor Yesu paacham na, n‑yoonn ngbaan le bi teer ke ni ŋmee Uwumbɔr Aagbaŋ ni ke bi ga ŋa u kina, le ki teer kinipaak ngbaan aah nan ŋa u pu na.

Lituln 1:7

Le Yesu tuk bi, “Bundaln Nte Uwumbɔr ga ŋa waah ban pu na, aa ye nimi aabɔr. Ti bi u chee la.

1 Piita 1:11

Le Kristo Aafuur Nyaan mu nan bi bibɔnabr ngbaan ponn ni na mɔk bi ke uma Kristo ga ji falaa, le ki nin kan nnyuŋ falaa ngbaan aapuwɔb. Le bi nan ban bi bee ke ulau ga ji falaa ngbaan, ki ban bi bee buyoonn u ga ji falaa ngbaan na.