Daniel 12:12 - Uwumbɔr aagbaŋ

¹² Binib bi ga li si chob aan iwiin lichur ni ikui itaa ni piitaa ni iŋmu ti jer na ga li kpa mpopiin.

Daniel 12:12 ပူးပေါင်းရင်းမြစ်များ

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Esekiel 4:6

Aa yaa ti doo kina kan, aa fenn doon ŋŋangii aasikakl mu pu, ki ji Juda aatimbol aabɔbir aafalaa ki ti saa iwiin imonko ilee, nwiin mubaa li ye baatafadaan aabiln libaa.

Daniel 8:14

Le m ŋun Uwumbɔr aatuuntiib uken gar njan yoo na ke, “Ni ga li ŋani kina ki ti saa iwiin lichur ni nkub ni piiŋmu. N‑yoonn mue le kijook ni kichakpiik ni aatork aan ki li bi. Nee aapuwɔb le bi ga toor Uwumbɔr Aadichal.”

Rom Yaab 11:15

Uwumbɔr aah yii Juu yaab na, le u ni binib bi kaa ye Juu yaab na kpaan kijɔtiik. U yaa ki gaa Juu yaab kan, ni ga li ye limɔfal le ki tii binib. Nkun aan ki li joo bi.

Tibɔkpiirkaan 11:2

Taa ŋaŋ kikaakpaak ki bi lipaal na aafɔfɔk; ba pu? Uwumbɔr di kikaakpaak ngbaan tii binib bi kaa ye Juu yaab na la. Le bi ga bii Uwumbɔr aatinyaan ki ti saa iŋmal imonko ilee ni ilee.

Tibɔkpiirkaan 12:6

Le upii ngbaan san buen nteersakpiin ni, Uwumbɔr aah toor mpaan nin chee tii u na, ki ti kpiini u nima chee iwiin lichur ni ikui ilee ni imonko itaa.

Tibɔkpiirkaan 13:5

U nan kpa nsan ke u li kpa kipupuk ki sii Uwumbɔr, ki kpa nsan ke u li bi iŋmal imonko ilee ni ilee.

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.