Daniel 12:1 - Uwumbɔr aagbaŋ

¹ Uwumbɔr aatuun mu pee ŋitanyaan aawanpeenkaan na len ke, “N‑yoonn ngbaan yaa nan fuu ni kan, Uwumbɔr aatuun Maikel u kpa mpɔɔn ki kii Israel aanib na ga dan. Le tibɔbir aayoonn ga fuu ni, tibɔbir ti kaa kee ŋa n‑yoonn mu Uwumbɔr naan ŋitimbol na ga fuu ni. N‑yoonn ngbaan yaa nan fuu ni kan, saanib bimɔk aayimbil bi Uwumbɔr Aagbaŋ ni na ga ŋmar.

Daniel 12:1 ပူးပေါင်းရင်းမြစ်များ

Ilahn 56:8

Aa nyi naah muk mi pu na; aa nyi maanyunyunn aakahm, aa ŋmee ti ŋa saagbaŋ ni.

Ilahn 69:28

Ber baayimbil limɔfal aagbaŋ ni; taa cha bi kpaan saanib ni.

Aisaya 4:3

Binib bi Uwumbɔr lee bi, bi ŋmar ki bi Jerusalem na, bi ga li gur yin bi ke binib bi ye Uwumbɔr aanib na la.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Esekiel 13:9

M ban m daa nimi bibɔnabr bi ye binyamɔndam ki kani tibɔkpiirkaan ti kaa gbii na ki len tibɔr ti joo binib yenni na aatafal la. Maanib yaa kuun ke bi kpokl kan, naan li bi nima; nimi aayimbil aan li bi Israel aanib aayimbil ni; naan ki gir ni nimi aatiŋ pu daalbaadaal. N‑yoonn ngbaan le ni ga bee ke min le ye Nidindaan Uwumbɔr.

Esekiel 34:24

Min Uwumbɔr le ga li ye Yaawumbɔr, le ubɔr u ga li bi ke maatutunn David na li ye yaajojoor. Min Uwumbɔr le len kina.

Esekiel 5:9

Jerusalem aanib aah tun lituln li sukr ponn ni na pu, le m ga daa kitafal sakpen, ke maah kaa kee daa bitafal pu na, le kaan ki ŋa kina.

Daniel 10:13

Paacham aatuun u joo Pesia aanaan na le kiir mi nsan ni ki ti saa iwiin moninko ni mubaa. Le Uwumbɔr aatuun Maikel, u ye Uwumbɔr aatuuntiib aayidaan ubaa na dan ki nan ter mi, ba pu? m nan gur bi Pesia aatiŋ ni mbaa baanja la.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Daniel 9:12

Aa nan ŋa saah nan bui ke aa ga ŋa timi, ni binib bi joo timi na mɔmɔk pu na. Kitiŋ kibaa aa ki bi taab do ki kan ntafadaan mu aa nan di tii Jerusalem na.

Joel 2:2

Nwiin ngbaan daal ga li bɔɔn ki bi timm, mu ga li bɔɔn ki kpa ntaalangbam pam. Kitoonpaak ngbaan choo ki naahn mbɔmbɔɔn sakpiin mubaa le aah biini ŋijoo paab na. Tiwan nimina aaboln aa kee ŋa, kaan ki ŋa daalbaadaal.

Malakai 3:16

Le binib bi san Uwumbɔr na len tɔb chee tibɔr, le Uwumbɔr pel, le ki ŋun baah len pu na. Bi ŋmee kigbaŋ ni binib bi san Uwumbɔr ki pak u na aayimbil bilni, unimbiin ni.

Matiu 24:21

N‑yoonn ngbaan binib ga ji falaa pam. Buyoonn Uwumbɔr nan naan dulnyaa wee ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Tibɔnyaan ti Mak ŋmee ti na 13:19

N‑yoonn ngbaan, binib ga ji falaa sakpen a. Buyoonn Uwumbɔr nan naan dulnyaa na, ki nan saa dandana wee na, baa kee jin falaa ngbaan aaboln, ki mu aan ki ji falaa kina.

Tibɔnyaan ti Luk ŋmee ti na 10:20

Tɔ, tiyayaar aah kii nimi aamɔb na, ni taa cha nima baanja le li ye nimi aapopiin. Nimi aayimbil aah ŋmee paacham na le ye mpopiin mbamɔm.”

Rom Yaab 11:15

Uwumbɔr aah yii Juu yaab na, le u ni binib bi kaa ye Juu yaab na kpaan kijɔtiik. U yaa ki gaa Juu yaab kan, ni ga li ye limɔfal le ki tii binib. Nkun aan ki li joo bi.

Rom Yaab 11:26

N‑yoonn ngbaan le Juu yaab mɔmɔk mu ga ŋmar. Ni ŋmee Uwumbɔr Aagbaŋ ni ke, “U gaal binib lir na ga nyan ni Sionn paacham, ki nyan Jakob aayaabitiib aatunwanbir.

Efesusi 1:21

Uma Kristo bi nima ki kpa mpɔɔn mu jer mpɔɔn mɔmɔk na: u kpa mpɔɔn jer inyɔk, ni ŋiwaa, ni bipɔnib aapɔɔn, ki kpa tininkpir jer tininkpir mɔmɔk, ki kpa mpɔɔn jer dindatiib aapɔɔn mɔmɔk. Waayimbil jer ŋiyimbil ŋimɔk bi dandana wee na, ni ŋimɔk ga li bi n‑yoonn mu choo na.

Filipi 4:3

Maatutuŋeer bamɔnn, m mee aa mu, ter bipiib ngbaan; ba pu? bi ni Klement ni maatutuŋeerb biken nan tun lituln linimaln m chee, ki ter mi m tuk binib Yesu aabɔnyaan tee. Baayimbil ŋmee limɔfal aagbaŋ ki bi paacham na ni.

Juud 1:9

Maikel u ye Uwumbɔr aatuuntiib aaninkpel na aa nan gee ke u sii kinimbɔŋ. U ni kinimbɔŋ nan kpak kinikpakpak Moses aawon pu, ke ulau ga yoor u. Maikel mu aa gee ke u sii kinimbɔŋ ki bii ki. U nan po bui ki ke, “Uwumbɔr li kae si.”

Tibɔkpiirkaan 12:7

Tɔ, le bi to butɔb paacham. Uwumbɔr aatuuntiib aaninkpel Maikel ni waatuuntiib to kipeewanbiik ngbaan ni waatuuntiib butɔb,

Tibɔkpiirkaan 13:8

Le dulnyaa ni aanib bimɔk aayimbil aa ŋmee Uwumbɔr Aapihbo u bi nan ku u na aamɔfal aagbaŋ ni buyoonn Uwumbɔr aa nan kee naan dulnyaa wee na ga dii upeel ngbaan.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 20:12

Le m kan bitekpiib, bi ye bipɔɔndam ni bi ye biwaatiib na, si libɔrjal ngbaan aanimbiin ni. Le u kpar tigbann, ki ki kpar kigbaŋ kiken, ki ye limɔfal aagbaŋ na, ki jin bitekpiib tibɔr, baabɔr aah ŋmee tigbann ngbaan ponn ni pu na, baah nan tun pu na.

Tibɔkpiirkaan 20:15

Le bi di binib bimɔk aayimbil aa ŋmee limɔfal aagbaŋ ni na ŋa mmii ngbaan ponn ni.

Tibɔkpiirkaan 3:5

Unii umɔk nyaŋ na, m ga peen u libɔkupiln. Maan chuu ber waayimbil limɔfal aagbaŋ ni. M ga len ke u ye maanii, Nte Uwumbɔr ni waatuuntiib aanimbiin ni.

Tibɔkpiirkaan 7:14

Le m bui u ke, “Maaninkpel, si le nyi.” Le u bui mi ke, “Bi ye binib bi nyan falaa sakpiin ni, ki finn baakpar Upihbo ngbaan aasin ni aan ti ŋa ti tipipinn na.