Daniel 11:43 - Uwumbɔr aagbaŋ

⁴³ U ga yoor Ijipt aatiŋ aawangol li bɔr ki ye salmaa, ni tikunabr, ni liwangol li kpa kidaak na mɔmɔk. U ga nyaŋ Libia ni Kus aatim mu.

Daniel 11:43 ပူးပေါင်းရင်းမြစ်များ

2 Bibɔrb Aabɔr 12:3

U nan joo ni itaan aatɔroku tiib lichur ni ikui ilee, le bitandam nan ye bijab ŋichur imonko itaa, le bijab bi nan chuun kitiŋ na ma, baa nan ti ki nyi bi mɔk. Libia, ni Suk, ni Kus aajab nan kpee bi pu.

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Esekiel 38:5

Bijab nyan Pesia, ni Kus, ni Libia aatim ni ki bi u chee, ki joo kijaak aapen, ni tiyikpupur.

Daniel 11:42

U ga loon ntim mumina mɔmɔk ki kpee Ijipt aatiŋ mu.

Daniel 11:44

Le tibɔr ti ga nyan ni liwipuul wɔb, ni ŋŋangan wɔb na ga cha ijawaan chuu u, le u moo jan kijaak ke uwaar na, ki ku binib pam.

Nahum 3:9

Kima le nan joo Kus ni Ijipt aanib, le ubaa aa nan nyi kaapɔɔn mɔk. Kimaantɔ le nan ye Libia aatiŋ.

Bibɔjirb 4:10

Barak nan yin Sebulunn, ni Naftali aanibol ni aanib di buen Kedes aatiŋ ni, le butɔb aajab ŋichur kipiik dii u. Debora mu nan dii u buen.