Daniel 11:37 - Uwumbɔr aagbaŋ

³⁷ Ubɔr ngbaan aatafal aan li bi ŋiwaa ŋi uyaajatiib nan dii na, ni liwaal li bipiib gee na ni. Mbamɔn, utafal aan li bi liwaal libaa, bee Uwumbɔr ni; ba pu? u dak ke u jer ni mɔmɔk.

Daniel 11:37 ပူးပေါင်းရင်းမြစ်များ

Mpiin 3:16

Le Uwumbɔr bui upii ke, “Aa ga kan falaa pam timal ponn ni. Ni ki kpee na, aa ga li ban ke aachal li gee si, le u ga li ye saayidaan.”

Mpiin 3:5

Uwumbɔr nyi ke ni yaa jin ŋi kan, ninimbil le ga woln, le ni ga bee ni ŋan na, ni ni kaa ŋan na, ki ga li bi ke waah bi pu na.”

Solomonn Aalahn 7:10

M ye mbɔɔn yoo la, le u neen mi.

Aisaya 14:13

Aa nan pɔɔni aabaa ke aa jon buen kitaapaak ki ti di saabɔrjal tɔŋ iŋmabi i ti bi paacham paacham na pu. Aa nan dak ke aa ga ti kal lijool li bi nwiin aasikakl wɔb, nin chee ŋiwaa kuun ni na, ke ubɔrkpaan na la.

Aisaya 14:14

Aa nan bui ke aa jon ti kal ntaalangbam paab ki bi ke Mpɔɔndaan Uwumbɔr na.

Esekiel 24:16

“Unibɔn, m ga di linyakaakul libaa le ku unii u aa gee sakpen na. Saa kpa tibaa aa len, bee aa wii, bee tinyunyunn tibaa nya aanimbil ni.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 11:38

Waah ga ŋa pu na le ye ke u nyuŋ liwaal li kiir ntim mu kpa ŋigon ŋi fɔk ki pɔɔ na. U ga di salmaa, ni tikunabr, ni nleenyaan, ni liwangol aapiin tii liwaal li uyaajatiib aa kee dii li daalbaadaal na.

Daniel 8:11

Mu nan sii Uwumbɔr u ye paacham aajab aaninkpel na, kaa ki cha binib toor kitork tii u, ki bii Waadichal.

Ikaal 21:11

ni ponn ni ubaa yaa kan upii nyanyaan bi ponn ni, ki gee u, ki ban aa di u ŋa aapuu kan,

Ikaal 5:21

“‘Aa taa cha aanimbil li man aaŋeen aatɔ aadichal, bee upuu, bee waakpaakon, bee waanaagbiib, bee waawakor, bee waah kpa tiwan nimɔk na pu.’

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

1 Timoti 4:3

Bi ga len ke bijab taa din bipiib, bipiib mu taa mɔn bijab. Bi ga li kɔ tijikaar tibaa. Uwumbɔr le naan tijikaar ngbaan. U ban ke binib bi gaa u ki kii ki nyi mbamɔn na le ji ti, ki doon u ti pu.