Daniel 11:32 - Uwumbɔr aagbaŋ

³² Ubɔr ngbaan ga di kimɔmɔɔn kan binib bi puen yii nsan ngbaan na aaterm, le binib bi dii Uwumbɔr na ga sil kiir bi.

Daniel 11:32 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Nehemia 4:14

M nan kan ke ilandak le joo maanib; le m bui bi ni baayidam, ni baaninkpiib ke, “Taa san man timi aadim ijawaan. Teer Uwumbɔr aah pɔɔ ki kpa ijawaan pu na, ki jan man nimi aanib ni nimi aabim, ni nipuutiib, ni nimi aadichal pu.”

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ŋiyataŋak 19:5

Aa yaa geei inyamɔn libɔjil ni kan, aa ga kan ntafadaan; saan nyan mu ni.

Ŋiyataŋak 26:28

Aa yaa gii inyamɔn ki bii unii aayimbil kan, aa nan u le na. Kimɔmɔɔn aa joo ni nibaa see libiil ŋmeen.

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Daniel 11:21

Le Uwumbɔr aatuun ngbaan ki kpiir tuk mi ke: “Siria yaab aabɔr u ga paan ni na ga li bir pam, kaan li kpa nsan ke u ji nnaan, le ki mu tee ga di beebee nyan ni, ubaa aan li nyi u bɔr, le ki nan gaa nnaan ngbaan.

Daniel 11:34

Buyoonn linikul ngbaan beenin ku na, Uwumbɔr aanib ga kan nterm siib, binib pam le ga kpee bi pu, bi mu ga li ŋani kina ki ban bibaa aajim pu la.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Malakai 4:2

Le nimi bi kii maamɔb na, m ga di maaŋmarm aapɔɔn biin ni pu ke nwiin na, ki sɔŋ nimi aaween ke nwindam na. Ni ga ŋmar ki li kpa mpopiin ke inaabi i bi gbinn i lii na la.

Jɔnn 17:3

Sin baanja le ye Uwumbɔr bamɔnn. Binib bi nyi si, ki nyi mi Yesu Kristo u aa tun ni u na, bima le kpa limɔfal li kaa kpa ndoon na.

1 Jɔnn 5:20

Ti nyi ke Uwumbɔr Aajapɔɔn nan dan ki nan tii timi nlan ke ti bee Uwumbɔr, u ye Uwumbɔr bamɔnn na la. Ti bi Ujapɔɔn Yesu Kristo ni, nima le ti bi Uwumbɔr bamɔnn mu ni. Uma le ye Uwumbɔr bamɔnn, ni limɔfal li kaa kpa ndoon na daan.

Tibɔkpiirkaan 6:11

Le Uwumbɔr peen bi mɔmɔk tikparpipiin, ki bui bi ke u siin ke binib ku bitutuŋeen aatɔtiib bi mɔmɔk dii Yesu na, ke baah nan ku bi pu na. Bi laa fuur siib ki nan saa n‑yoonn ngbaan.